Dijingunuinu 12:12 - O Mikanda Ikola

¹² Kala kiki, ku madiulu-phe tanenu-ku, ni enu oso mua tunga momo! Lamba dienu mu ngongo ni ku musanza! Mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.

Dijingunuinu 12:12 ပူးပေါင်းရင်းမြစ်များ

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Jihebeleu 10:37

Mukonda, kala kia tange o Mikanda Ikôla: Kuma kua kambe ngó kathangana, kathangana kʼ ofele muène, o Ió tua mu xikamena, uiza; uanda kuiza muène, ka kokoloka.

II Phetele 3:8

Inda kima kimoxʼiki-phe ki ki mi jimbe, enu akuetu, kuma: Kizuua kimoxi kua Ngana, mukuâ ni midi ia mivu, o midi ia mivu mukuâ ni kizuua kimoxi.

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!

Dijingunuinu 11:10

Athu a tungu mu ngongo a di bhana jiphèmbele, a kala mu kuolela, mukonda dia kúfua kua mbangi jiiadʼiji. O mu kutana kuâ, a di tumikisa maujitu, mukonda exi polofeta jiiadʼiji ja kexile ku a tatesa kiavulu ene oso a tungu mu ngongo.

Dijingunuinu 11:14

Lamba dia kaiadi dia bhiti! Maji talesa, lamba dia katatu ki di nange kuiza!

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:6

Muène anga u jikula o dikanu diê mu kutanga isunji kua Nzambi, u ẋonguena dijina diê, u lebhula katé ni kididi mua tunga Nzambi, ni ene oso kia ene mu diulu.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 8:13

Bhenhobho ngi mona hé ngʼívua o holokoko bhu iala kubhitila, iasu o mbambe ni diulu, i zuela ni dízui dia dikota, iexi: Lamba! Lamba! Lamba, dia ene oso a tungu mu ngongo, mukonda dia mázui ma jikoloneta ja anju jitatuʼojo, kiluua ji xika!

Dijingunuinu 9:12

Lamba dia dianga dia bhiti. Talesa, hanji kua xala malamba aiadi a-nda kubhita!