Dijingunuinu 11:19 - O Mikanda Ikola

¹⁹ Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 11:19 ပူးပေါင်းရင်းမြစ်များ

Jisálamu 105:32

Bhu kididi kia mvula, u a bhana matadi; mu lekajaka túbhia mʼoxi iâ iene ioso.

Jisálamu 18:12

O kubenha kua pholo iê, ku muanga matuta, a di bhanga matadi a mvula, ni makala ma túbhia.

Izaía 28:2

Talesa, Jihova ua kà tuma dizonda diê, kusuina kuvula; mukuâ ni ki sonoka mvula ia matadi, mvula ia kibuika, mukuâ ni imenha i bhanga jihungulule ji kungulukila mu jimbandu, muene ue kitundu kiâ ua kà ki zubila ni nguzu ioso bhoxi.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 30:30

Jihova ua kʼèvisa o fuma ia dízui diê, anga ua kà bhangesa kutala kia tulula o lukuaku luê ni kutemanana ni njinda, ni mulengo ua túbhia tuê tu buikisa, ni jinzaji ni dilúviu ni matadi ma mvula.

Izaía 32:19

Maji né hanji ki u kulumuka mu muxitu kua kà noka mvula ia matadi, anga diembuʼodio di senguluka katé dia buila.

Izekiiele 13:11

Tangela ió a mu kunga-ku o hàla ki iôlunge, kuila o kipena kia-nda ku di bhala; kuma kua-nda kusonoka mvula ia kibhungu, eie u matadi a mvula ni eie u kitembu kia kibhungu, mua kà ki bula.

Izekiiele 13:13

Kala kiki, Jihova Nzambi, uixi: Mu kutema kuami, kitembu kia nguzu kia-nda ku ki bula, mu njinda iami, kua-nda kukala kivundu kia mvula ionéne, ni matadi a makota a mvula mu kutema kuami, phala ku ki jimisa.

Izekiiele 38:22

Anga mu ku zoka-nê nga kà mu bilukila ni dibhebhu ni manhinga; ni mvula ia kungulula-musoke, ni imatadi ia makota ia mvula, nga kà lauila túbhia ni xofidi ku thandu diê, ni ku thandu dia masoladi ê, ni ku thandu dia miji ia vulu ioso i kala kumoxi ni muene.

Dialuilu 10:33

Anga a katuka bhu mulundu ua Jihova, enda dikanga dia izuua itatu; álaka ia kikutu kia Jihova anga ia tuamena ku pholo dikanga dia izuua itatu, mu ku a sotela kididi bhuoso bhua nhohena.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:5

O kilombo hé kia-ndu katuka mu kuenda, Alá ni anʼê a tuama kubokona, a tulula dibeka dia kibatulu, a di futa ku álaka ia umbangi;

Josuué 10:11

Anga ki bhita-phe kuila, ene kiala kulengʼiki, mbebhu Izalaiele, o mu kulumuka mu Mbetolone, Jihova u a takula imatadi ia laula ku diulu; mu kutula mu Azeka afu; kienhókio abuika ku matadi a mvula kota mu kuvula, a fu ku xibhata ia anʼa Izalaiele, ndenge.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 12:1

Anga ku moneka kijimbuete kia kijingano kia dikota ku diulu. Kua tukuluka muhatu. Dikumbi diene o kizuatu kiê, o mbeji ia mu kala bhoxi dia inama iê, o ku mútue uê kuala kitundu kia kuinhi dia théthembua ni jiiadi.

Dijingunuinu 16:1

Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!

Dijingunuinu 16:18

Anga ku kala jinzaji, ni mázui, ni inuminu. Hé ku kala ue ni kiteketela kia ʼxi, kiluua ngó ki bhita hanji kieneku athu mu ngongo, o kiteketela kia ʼxi, kia dikota, kia suina kiavulu kala kiki!

Dijingunuinu 16:21

Mvula ia matadi anga i sonoka ku diulu, i laukila ku thandu dia athu. O matadi mê a makota kiavulu, dimoxi ngó di pezala makuinhi auana a kilo. Athu anga a ẋonguena a Nzambi, mukonda dia dibhebhu dia mvula ia matadi, kuma o dibhebhu diê dia vulu kinéne!

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

Dijingunuinu 7:15

Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.

Dijingunuinu 8:5

Anjo anga u katula kiomuènu, u omona túbhia ku ʼalatódio, hé u tu texi mu ngongo. Anga ku bhita inuminu, ni mazui, ni jinzaji ni kiteketela kia ʼxi.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.