Dijingunuinu 11:15 - O Mikanda Ikola

¹⁵ Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 11:15 ပူးပေါင်းရင်းမြစ်များ

Jisálamu 110:4

Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 146:10

Jihova kà tunda dingi ku ungana uê; o Nzambi ié, u Ziione, u xalela ku miji ioso. Ximanenu Jihova!

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisálamu 82:8

Balumuka, eie u Nzambi, u fundise mu ngongo; kuma madiembu moso ma ku tokala.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Makatukilu 15:18

Jihova ua hingila-ku; o ungana ué u nangenena.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Izekiiele 47:5

O kia zonga dingi midi, mueza kiá ngiji i nga lémbua o ikuzáuka, mukonda o menha mê ma zongo kiá, a fuama kiá ngoho ku a zauka ni kuzoua, kuma ngiji kiá ki i xikina dingi ku i bhita.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 1:33

Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:6

O kia bhixila ku bhata, uixana makamba mê ni akua-diembu diê, uixi: Sangulukenu ni eme, mukonda nga sange o mbudi iami ia jimbidile.

Jipoxolo 4:26

Jisobha mu ngongo jemana, atumini a ifuẋi a di kase, phala kubhanga ni Ngana, ni Kristu iê.

Jihebeleu 1:8

Maji o kua Monʼê, muene uixi: O kiandu kié, eie u Nzambi, kienié katé ku hádia ni hádia! Eie o Utuminu ué, ua kà uendesa ni mbasá ia kuiuka.

Dijingunuinu 10:7

Maji kioso-phe anju ia kasambuadi ki ia-nda kuxika o koloneta iê, kiene o Nzambi kia-ndu zubha kubhitisa o ima iê ia kasuekèle, uila kia tanga Muène ku jiselevende jê, o jipolofeta.

Dijingunuinu 12:10

Anga ngʼívua dízui dia dikota mu diulu, dixi: Kiki kueza ubhulukilu ua Nzambi ietu! Kiki o Nzambi ietu uedikiza o unéne uê kuila Muène Sobha! Kiki o Kristu iê, ua londekeza ki kala o ungana uê! Kuma o mutatedi ua jiphange jetu a mu lundumuna, ua kexile ku a tatela bhu pholo ia Nzambi muanha ni usuku, mu diulu a mu kaie-mu.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 16:17

Anju ia kasambuadi anga u lunduluila o nganza iê mu kitembu. Mu Tembulu anga mu tunda dízui dia suina ni bhu kiandu, dixi: Kima kiobhange!

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:1

Kia bhiti o imʼiii, ngevu kala dízui dia mundu ua dikota mu diulu, exi: Ximanenu Nzambi! O kubhuluka, ni kufumana, ni kutena, kua ngene kua Nzambi ietu!

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.

Dijingunuinu 9:13

Anju ia kasamanu anga u xika o koloneta iê. Anga ngʼivua dízui dia tundu bhu thungi jiuana ja kalatódio ka ulu kene bhu pholo ia Nzambi.