Dijingunuinu 11:13 - O Mikanda Ikola

¹³ Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 11:13 ပူးပေါင်းရင်းမြစ်များ

Dimatekenu 6:4

Izuua ienʼoio mu ngongo mu kala iiala ia makota, ni ku pholo kunu anʼa Nzambi a mala kia sakana ni anʼa athu a ahatu, anga a vuala-nâ ana; enhá ene a kexile o mazonda ma xahulu, o iiala ia xi fuma.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.

Dijingunuinu 11:11

Maji kia bhiti-phe izuua itatu ni kaxaxe, o muha ua muenhu u tunda kua Nzambi hé u a bokona dingi mu thulu jâ, anga a fundumuka, emana nzànza. Ene oso a a mono, anga a bhuuama ni uôma uavulu!

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 19:7

Tu tanienu, tu sanguluke kiavulu! Tu ximane o unéne uê! Kuma o kithangana kia ukaza ua Kambudi kieza-bhu, o dibhanga diê ua di polondala kiá!

Dijingunuinu 3:4

Maji sai-phe ni athu u uala-nâ mu Salade, a kambe kukasanesa o izuatu iâ. Enhó hinu enda ni eme-muène mu izuatu izela, kuma kia a fuama.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.

Dijingunuinu 8:5

Anjo anga u katula kiomuènu, u omona túbhia ku ʼalatódio, hé u tu texi mu ngongo. Anga ku bhita inuminu, ni mazui, ni jinzaji ni kiteketela kia ʼxi.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.