Dijingunuinu 11:12 - O Mikanda Ikola

¹² Bhenhobho, o polofeta jiiadʼiji anga évua o dízui dia dikota ku diulu, dixi: Bandenu kunu! Anga ene a bandela mu dituta katé ku diulu, jinguma jâ ia a talesa.

Dijingunuinu 11:12 ပူးပေါင်းရင်းမြစ်များ

II Jisobha 2:1

Anga ki bhita kuila, kioso Jihova kiala phala kuambata Elija ku diulu, mu kitaphephe, Elija u katuka bhu Jidingale kumoxi ni Ilizeu.

II Jisobha 2:11

Anga ki bhita-phe kuila, kioso ene kia muia ni kuenda ni kuzuela, a tukumuka dikalu dia túbhia ni jikabalu ja túbhia, dia a muangununa muthu ni muthu kua mukuá, o Elija anga u banda ku diulu, a mu zangumuina nu kitaphephe.

II Jisobha 2:5

Bheneʼobho o anʼa jipolofeta a kexile mu Jedikó, a bhixila kua Ilizeu, exi: Eie ua kʼijiia kuila, o ngana ié, lelu Jihova ua-nda ku mu tambuila bhu thalʼa mútue ué-eie? O muene-phe, uixi: Eme ue nga kʼijiia muene kiambote. Dixibhienu ngó.

II Jisobha 2:7

Ku anʼa jipolofeta anga ku tunda makuinhi a tanu a muthu eza emana mu kanga, o ene, kiiadi kiâ, emana ku mbanduʼa ngiji ia Njolodá.

Jisálamu 112:10

O kisuéia-phe u ki mona mesu, hé ki mu iibhila; hinu u kokota mazu, u botomokena bhobho; kuma o vondadi-phe ia kisuéia hádia a i kakula.

Jisálamu 15:1

Jihova, nanhi u nanga mu balaka ié? nanhi u tunga ku mulundu ué uangene?

Jisálamu 24:3

Nanhi ua kà banda ku mulundu ua Jihova? Nanhi ua kèmana bhu kididi kiê kiangene?

Jisálamu 86:17

Ng, idikize kijimbuete kia mbote i ua-nda ku ngi bhanga, phala oso a ngi zembe-ó a ki mone, a kale ni jisonhi. Mukonda eie u Jihova ua ngi kuatekesa, eie ua ngi kondo o malamba.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 60:8

Akuahi iá a mu kuijiia bhulu a diambatesa kala matuta, a mu kuiza ni kutuka bhulu kala membe aia bhu tunjanena tuâ?

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Luka 16:23

Ku ʼalunga ki a mu kuata o jiphaxi javulu, u zambula mesu, anga u mona Mbalahamu uala dikanga, ni Lázalu bhu jihata jê.

Jipoxolo 1:9

O kia zubhile kuzuela imʼ iíi, kioso kia kexile hanji ene ni ku mu tala, Jezú ua zangumuka bhulu, anga bhu kala dituta dia tambula-nê ku mesu, a lémbua ku mu mona dingi.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

Dijingunuinu 12:5

Muhatu anga u vuala monʼa diiala, ió ua-nda kutumina akua jixi ni mbasá ia felu. Maji-phe o mona anga a mu zangumuna, hé a mu bheka ku diulu kua Nzambi, bhu kiandu kiê.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!