Dijingunuinu 10:5 - O Mikanda Ikola

⁵ Bhenhobho o anju nga mu mono kutangamana ku musanza ua kalunga ni ku mavu a ngongo, lúkuaku luê lua dilu u lu leka bhulu,

Dijingunuinu 10:5 ပူးပေါင်းရင်းမြစ်များ

Dimatekenu 14:22

Mbalamu anga u ambela sobha ia Sodoma, uixi: Nga zangula lukuaku luami kua Jihova, Nzambi Suke-ku, uaʼvu o diulu ni ixi,

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jisálamu 146:5

U zediua o muthu ió kubhanduluka kuê kua mu kala kua Nzambi ia Jakobo, ua bhingi o muẋima uê ua dielela kua Jihova muene Nzambi iê.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Makatukilu 6:8

Hinu ngi mi bhiẋidisa mʼoxi i nga lokela Mbalahamu, ni Izake, ni Jakobo, ku a bhana-iu; ngi mi bhana-iu muene mu undundu uenu, mukonda eme Jihova.

Izekiiele 20:15

Sumbala kiene, maji eme nga leka lukuaku luami kua ene mu kikangalakata, phala o ku a fudisa kubokona mu ixi i nga a bhele, ioio i kunguluka o lete ni uemba, ia di bhange iene o makembu a jixi joso;

Izekiiele 20:23

O mu ixi ia kisèkele ue, nga a zengelele kiá o lukuaku luami phala ku a muangena mu kaxi ka miji iengi ni ku a sukumuina mu jixi;

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Izekiiele 20:42

Anga mua kà kʼijiia, kuila: Emiʼeme ngi Jihova, kioso ki nga kà mi bhangesa o kuvutuka dingi mʼoxi ia Izalaiele, o ixi i nga lekela o lukuaku luami phala ku i bhana o jitata jenu.

Izekiiele 20:5

ua ambela kuma: O Jihova Nzambi uambe kiki: Mu kizuua ki nga solele Izalaiele, nga zanguile o lukuaku luami ku luvualu lua Jakobo, eme nga di-tukuluila kua ene mu ixi ia Ijitu, hé ngi leka o lukuaku luami kua ene, ngixi: Eme Jihova Nzambi ienu.

Izekiiele 36:7

Kala kiki, o Jihova uambe kiki, uixi: Eme nga leka o lukuaku luami, mbé o akua matumbu ala mu jimbandu jenu, ambate o lusebu luâ ku thandu diâ ene muène.

Izekiiele 47:14

Mu i uana ni kusokelela kuoso mu maundundu bhu kaxi ka muiji ni ua mukuá; mbata o ku thandu diaʼxi iii, nga zanguila-ku o lukuaku luami, eme nga loka, ngixi, ngii bhana ku jitata jenu; kala kiki o ixi ienhiʼii, ia-nda ku kituka ienu, ia undundu.

Daniiele 12:7

Anga ngʼivua o muthu ua zuatele kizuatu kia linho, iu uakexe kulu dia hungulule ia menha a ngiji, ua zangula lukuaku luê lua dilu ni lukuaku luê lua kiasu ku diulu, iu ua di-lokela kua Iuná uene ku muenhu ki u moneka dizubhilu, uixi: Bhua kà bhita thembu iòxinde, ni jithembu jòxinde, ni kaxaxi ka thembu, o kia kà zubha kubhuisa o kutena kua povo iangene, kiene kiua kia kà bhita o ima ioso iii.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Jipoxolo 17:23

Kuma kioso ki ngi kala mu kubhita mu mbongeʼ umu ni kutalesa ididi ienu ia kubhezela, nga sange ue ni kalatodio kuosoneke kiki: Iolumbile Nzambi tua kambe ku Muijiia. Uila kiki, Nzambi uoso muala ku mu bheza sé ku mu ijiia, muène nga mu mi tangela-nê.

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Matendelelu 32:40

Kuma nga-nda ku leka lukuaku luami bhulu, ngixi: Eme ngala ni muenhu unangenena katé ku hádia ni hádia.

Jihebeleu 6:13

Nzambi ua bhele polomesa kua Mbalahamu, iú ua mu lokela kuila u i kumbidila. Kuma kana-ku dingi ua mu tundu muène, a tena ku mu tumbula, Nzambi ua lokela mu dijina diê muène-muene.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 10:2

Bhu lúkuaku lué ua kuata kadivulu ka jikuka. Muène anga u tangamana, hé u tula kinama kiê kia dilu ku musanza ua kalunga, ni kinama kiê kia kiasu ku mavu a kukuta ku ngonguenha.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 16:17

Anju ia kasambuadi anga u lunduluila o nganza iê mu kitembu. Mu Tembulu anga mu tunda dízui dia suina ni bhu kiandu, dixi: Kima kiobhange!

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,