Dijingunuinu 10:11 - O Mikanda Ikola

¹¹ Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.

Dijingunuinu 10:11 ပူးပေါင်းရင်းမြစ်များ

Jelemiia 25:13

Izuelu iami ioso i nga tange mu kuzoka nʼoxi iii nga kà i bheka ku thandu dia ixi ienhiʼii muene, ima iosololo iòsoneke mu divulu didi, ia zambula polofeta Jelemiia ku thandu dia miji ioso ienhiʼii.

Izekiiele 37:4

Bhenhobho-phe ua ngʼambela, uixi: Zambuila o ifuba iii, u i ambele, kuma: Enu mu ifuba ia kukuta, ivuenu o kizuelu kia Jihova.

Izekiiele 37:9

O muene anga u ngʼambela, uixi; Zambula ku nzumbi, zambula eie monʼa diiala, tata, u tangele o nzumbi, uexi: O Jihova Nzambi uambe kiki: Eie u nzumbi, tundila mu itembu i uana iaʼxi, nda u bhuselele ku thandu dia imbi iii, phala eze dingi ku muenhu.

Dijingunuinu 10:10

Anga eme ngi tambula o kadivulu bhu lúkuaku lua anju, hé ngi ka dia. Mu kanu nga dʼivu dia touala muene kala uiki. Maji ki nga zubha ku di dia, mu mala mua ngi lulu.

Dijingunuinu 11:1

Anga a ngi bhana lumbungu lua kuzongela, luedi kala mbangala. Sai-ku ua ngʼambela, uixi: Balumuka, u zonge Tembulu ia Nzambi, ni kalatódio, ni oso a mu bhezela momo.

Dijingunuinu 11:9

Athu a tundu ku madiembu moso, ni miji ioso, ni madimi moso, ni ifuẋi ioso, a kala mú talesa ngó o imbi iâ mu izuua itatu ni kaxaxe, kehela ku i funda mu mbila.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

Dijingunuinu 17:10

Kitanu kiâ kia di bhale kiá, o umoxi iú-ué hanji mú tumina, o mukuá kiluua eza-ku. O kianda kuiza, kubhinga u bhangé ngó kakithangana kofele mu kutumina.

Dijingunuinu 17:12

O kuinhi dia lumbinga di ua monuʼodio, o kuinhi dia sobha kiluua a tambula o usobha uâ, maji a-nda ku a bhana-phe kutumina kala jisobha, mu ola imoxi, kumoxi ni kiama.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.