Dijingunuinu 1:3 - O Mikanda Ikola

³ Ua zediua uoso u tanga o divulu didi ni oso évua o maka iá a upolofeta, anga aiuka ima ioso ia soneka muenhomo! Kuma o thembu ia zukama phala ima ioso íii kubhita.

Dijingunuinu 1:3 ပူးပေါင်းရင်းမြစ်များ

Jisabhu 8:34

Uoso muthu u ngi bhana mátui muene ua zediua, anga uia ni ku ngi xikamena bhu mielu iami kizuua ni kizuua; hé ukuata ku kingila bhu mielu bhuoso bhu ngi bokuena.

Jelemiia 51:61

Jelemiia hé uambela Selaia, uixi: Kioso eie ki ua kà bhixila ku Babilonha, ua kà tala hé u tanga maka oso enhá.

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Luka 11:28

Muène-phe u vutula, uixi: Kiene, maji a beta o kuzediua oso evua o Maka ma Nzambi anga a ma lunda!

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

II Phetele 3:8

Inda kima kimoxʼiki-phe ki ki mi jimbe, enu akuetu, kuma: Kizuua kimoxi kua Ngana, mukuâ ni midi ia mivu, o midi ia mivu mukuâ ni kizuua kimoxi.

Dijingunuinu 22:10

Anju anga u ngʼambela dingi, uixi: O maka ma upolofeta mu divulu didi, kana ku ma suekela athu, kuma o thembu ia ima íii kubhita ia zukama kiá.

Dijingunuinu 22:12

Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.

Dijingunuinu 22:20

O muène ua bhana umbangi ua ima ioso íii, uixi: Kidi kiene, ngiza kindala! Kiene muene! Izé, Ngana Jezú!

Dijingunuinu 3:11

Ngiza kindala! Eie naminina kioso ki uala na-kiu, kana muthu a ku tambule o kitundu kié.