Dijingunuinu 1:18 - O Mikanda Ikola

¹⁸ Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 1:18 ပူးပေါင်းရင်းမြစ်များ

Jobe 19:25

Mbata eme nga kʼijiia kuma Mukudi uami iú-ué ni muenhu, kuila ue ku dizubhilu, Muene ua kà zangalala mu ngongo!

Jobe 38:17

Manhi o mabhitu a kúfua eie a ku tukuluila-u kiá, inga eie ua mono kiá o mabhitu ma kitombe kia kalunga?

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Izaía 22:22

O sabhi ia dibhata dia Davidi, nga kà i tula bhu kisuxi kié; muene kia kà jikula, kana muthu u tena kujika, muene kia kà jika, kana muthu u tena ku jikula.

Matesu 11:23

Eie u Kafanau kífua ua zangalala katé ku diulu? A kà ku tulula katé muʼ alunga! Mukonda o isuma ia di bhange mo-mué, se a i bhangele mu Sodoma, hinu ia nange katé ni lelu.

Matesu 16:19

Eme ngi ku bhana o jisabhi ja Utuminu ua Diulu; kioso ki u kuta eie mu ngongo, ni mu diulu ki kala kiókute; kioso ki u jituna eie mu ngongo, ni mu diulu ki jituka.

Luka 24:5

O ahatu anga a kala ni uôma, hé a bhetama jipholo bhoxi. Mala iá-phe a ambela, exi: Mua-lu sotela-hi o muthu ua muenhu, mu ʼaxaxe ka afi?

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Loma 6:9

Tuejiia kuma Kristu kia zubha kufukunuka mu ʼalunga, kanda kufua dingi. Mukonda kalunga ki ka tena dingi ku mu tolola muène.

II Kolindo 13:4

Sumbala muène a mu tele ku dikulusu mu kikexilu kia kubhuila, maji iú-uê ku muenhu mu nguzu ia Nzambi. Etu uetu tua bhuila mua muène, maji muandù mona kuma tuala ku muenhu ni Muène mu nguzu ia Nzambi phala ku mi kuatesa enu.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 7:16

Muène ka mu bhangele nganga mu ngonge ia kihindu kia xitu. Maji ua di bhange nganga mu kutena kua muenhu ki uene mbambe.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!

Dijingunuinu 15:7

Kienhókio, ku iama iuana ia muenhu, ku kala kimoxi ki bhana sambuadi dia anju sambuadi dia nganza ia ulu iezala ni njinda ia Nzambi, Ió ueniê ni muenhu uê katé ku hàdia ni hàdia.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 20:13

O musanza ua kalunga anga u bhana oso madifundu ala-mu. O kùfua ni kalungʼa-ngombe, anga a bhana uâ ni madifundu mâ ma jikilile bhoxi dia kutena kuâ. Ene oso hé a a fundisa mu umoxi-umoxi, kala kia tokala mu imbamba iâ ia bhanga jinga.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,

Dijingunuinu 5:14

O iama iuana i tambuijila, iexi: Kidi muene. Amén! Ikulakaji anga a di bhala, hé a bheza ió ua kalelà-ku.

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.

I Samuuele 2:6

Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.