Dijingunuinu 1:17 - O Mikanda Ikola

¹⁷ Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

Dijingunuinu 1:17 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Jisálamu 139:5

Ua ngi kondo ku pholo ni ku dima, eie ua ngi tula o lukuaku lué kuthandu.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 48:12

Ngi bhe mátui Jakobo, tata, nʼeie u Izalaiele, u muthu nga ku ixana; eme-muène umoxi-ú, eme nga dianga, eme ue nga sukidila.

Kuditenda 3:57

Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Daniiele 10:12

Hé u ngʼambela-phe, uixi: Ku kale ni uoma, Daniiele, mbata tunde mu kizuua kia dianga ki uate muẋima ué mu ku dʼivua kiambote ni Nzambi ié, ni ku di tolesa bhu pholo ia muene, maka mé ala muene ku mʼevua, eme kiene kia ngi bheka.

Daniiele 10:15

O kia kuata ku ngi zuelesa maka enhá, nga bheteka pholo iami bhoxi eme nga dixibha, mua ngʼiza ububu.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Matesu 14:27

Kienhokio-phe Jezú u a zuelesa, uixi: Tululukenu, eme! Ki mu kale ni uôma!

Matesu 28:4

Mukonda dia uôma uê, o masoladi ala ku kilangidilu a teketa, a kituka kala afu.

Matesu 28:5

Anju-phe i zuelesa ahatu, uixi: Ki mu kale ni uôma! Kuma nga mʼijiia, mua-lu sota Jezú a mu phaphele ku dikulusu.

Nzuá 13:23

Kuenhoko, ku meza, anga ku kala xibulu imoxi a mu zola kuala Jezú, ua xamenena bhu jihata ja Jezú.

Nzuá 21:20

Phetele anga u sakuka, u mona xibulu a mu zola kuala Jezú iu kaiela ue. Muenhú muène ua xamenene bhu jihata ja Jezú mu seialu, anga u mu ibhudisa, uixi: Ngana, muène nanhi uandu ku sumbisa?

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 22:13

Eme ngi Alafa ni Omeka; nga Dianga, nga Sukidila; ngi Dimatekenu, ngi Dizubhilu.