Dijingunuinu 1:13 - O Mikanda Ikola

¹³ O uala muʼaxaxe ka tundeia, ua di fuangana kala Monʼa Muthu, ua di vungu kizuatu kia mu tuluka katé mu inama, iu ua di kutu phonda ia ulu mu thulu.

Dijingunuinu 1:13 ပူးပေါင်းရင်းမြစ်များ

Makatukilu 39:5

Ni phonda iê iauabha ia ku i kutila ku mukutu, i kala iene imoxi ni efodi iene, ufunu uê uene umoxi, ua ulu uólunge ni azulu, ni púlupula, ni kalumezim, ni linhu ia fina iòuinde; kala kia tumu Jihova kua Mozé.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Daniiele 10:16

Talesa-phe, kua tukuluka muthu, ua di-fuangana ni anʼathu, iu ua ngi tuta ku mizumbu; dikanu-phe dia ngi jikuka kiua, anga ngi zuela, hé ngʼambela ió ua ngʼimanena ku pholo ngixi: Muadiʼami, tata, kisuma kieniki kia ngi bhekela misusu, ki ngala ni nguzu mu mukutu.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Daniiele 7:9

Eme nga kexe-phe mu kukengelela, katé kia bheka iandu, a i tula, anga Mukulu-ua-Ndamba uxikama. O kizuatu kiê kizela kala neve, o kindemba ku mútue uê kala lâ iazele kiambote; kiandu kiê milengo ia túbhia, o malola mê túbhia tua muzukuta.

Ijila 8:7

Anga u mu zuika divunga, u mu kuta ni phonda, u mu zuika o mbinza, u ta-ku ni efodi, u mu kuta dingi ni phonda ia makembu anga u mu iudika kiambote.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

Dijingunuinu 14:14

Kienhókio anga ngi talesa, hé ngi mona dituta diazele, o ua xikama ku dituta uedi kala monʼa muthu. O ku mútue uê kua mu kala kitundu kia ulu, o bhu lukuaku luê ua kuata kibhôlola kiatu.

Dijingunuinu 15:6

Mu Tembulu anga mu tunda o sambuadi dia anju dienhodio, a kuata o sambuadi dia mabhebhu, a kembe ni linhu izela ia-lu benha, iá a di kutu ni phonda ja ulu mu thulu.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki: