Dialuilu 9:16 - O Mikanda Ikola

¹⁶ Izuua ioso kiene; dituta di vungina balaka, ni kubenha kuê kala túbhia mu usuku.

Dialuilu 9:16 ပူးပေါင်းရင်းမြစ်များ

Nehemiia 9:12

Mu muanha anga u a songuela ni dituta dia kilembeketa, o mʼusuku u a endesa ni dituta dia túbhia, nda u a muikine mu njila mu a kexi mu kuendela.

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jisálamu 105:39

U futununa dituta, dia a bhana kilembeketa, ni túbhia tua a muikina mu usuku.

Jisálamu 78:14

Mu muanha ua a songuela jinga mu dituta, o mu usuku uoso túbhia tua a muikina.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Makatukilu 40:38

Mukonda o dituta dia Jihova dia nanga jinga ku thandu dia balaka mu muanha, o mu usuku di kituka túbhia ku mesu ma dibhata dioso dia Izalaiele, mu jinjila jâ joso.

I Kolindo 10:1

Kuma nga mesena, enu jiphange, kuila mu xinganeka hanji kioso mʼ ukulu kia bhitile na-kiu o jitata jetu a kexi mù kaiela Mozé. Ene oso a bhitile moxʼ a dituta dia mvula, ene oso a bhitile mu kalunga kakusuka.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

Matendelelu 1:33

ió ua mi tuamenena mu njila ioso iii, mu ku mi kengela kididi kia kizalu bhu mu zekela; anga uenda ni kuila, o mʼusuku uendela mu kitúbhia, mbé o ku mi muikina mu njila i mua tokala o kuila, o mu muanha-phe, mu dituta kiá.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.