Dialuilu 8:7 - O Mikanda Ikola

⁷ U a bhanga kienhiki mu ku a bonza: u a sangela menha ma dibônzo, a bhitisa phoko ia bhutu ku mukutu uoso, a sukule izuatu iâ, a dʼiẋike, a zele.

Dialuilu 8:7 ပူးပေါင်းရင်းမြစ်များ

Dimatekenu 35:2

Jakobo bhenhobho anga u ambela dibhata diê, uixi: Tubhulenu jinzambi ja matumbu joso ji muala-na-ju, mu di bonze mu zuate izuatu iazele.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Ijila 15:27

Uoso u di bhiáuna ku izalu iê, ua di kasanesa ue; ubhinga kusukula izuatu iê, ni ku dʼiẋika ni menha, anga ukasana kienhiki kumbi dioso dia kambamba katé ku ngoloxi.

Ijila 15:6

O uoso ue uxikama bhu kibuta bhua xikamene o mukua kibhubhe, a sukule izuatu iê, a zoue ue mu menha, anange ni kukasana katé mu ngoloxi.

Ijila 16:28

Uoso-phe ua i jikatesa, usukula izuatu iê, hé u dʼiẋika ni menha; kiene kiua kia bokona bhu kibangu.

Ijila 8:6

Mozé anga u bhiẋidisa Alá ni anʼê a mala, u a eẋika ni menha.

Dialuilu 19:13

Ió uoso u kuata ku file ioso-ioso, mba kimbi kioso-kioso kia muthu ua fu, hé u kamba o ku di zelesa ku dibônzo, ió u bhekesa lufuku ku balaka ia Jihova; O muenhu ió mu Izalaiele a kà u batula-mu; mbata o menha a dibônzo ka mu sangela-u ku thandu diê, ua kasana; o kukasana kuê iú-uê na-ku hanji momuʼê.

Dialuilu 31:20

Ni izuatu ienu, ni kima kioso kia iudika ni kibha, ni ima ia ndemba ja hombo, ni ia muẋi, iene ioso mu i bonza.

Dialuilu 8:21

Jilevita anga a di zelesa phala a bhue ituxi, a sukula izuatu iâ, Alá anga ua bhakula kua Jihova kala sata ia kubhukila; Alá anga ua satela mu ku a bhuisa o ikuma.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

Jihebeleu 9:13

O manhinga ma jihombo ni jingombe, ni uthokua ua vitela ia ngombe, a u sangela ku thandu dia athu a xidi mu kukumbidila o kijila, phala ku a zelesa o mukutu ku kanga.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.