Kiki-phe, enu mu anʼami, ki mu kale ni kaxixi mba usudi; mbata Jihova ua mi sola, nda mu kale bhu pholo iê mu ku mu xibhidila, ni mu kale mu akunjiʼê, muie ni kuoha o uasu ua dizumba.
Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.
O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.
Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.
