21 Jilevita anga a di zelesa phala a bhue ituxi, a sukula izuatu iâ, Alá anga ua bhakula kua Jihova kala sata ia kubhukila; Alá anga ua satela mu ku a bhuisa o ikuma.
O mu kizuua kia katatu u di bonza ni menha enhá, ni mu kizuua kia kasambuadi, hé u zela kiua; maji se mu kizuua kia katatu ka di bonza, mu kizuua kia kasambuadi ka tena kuzela.
O ua zele, u sangela menha kua iú ua xidi mu kizuua kia katatu ni kia kasambuadi; mu kizuua kia kasambuadi-phe u mu zelesa; o muenhó ua kexile kikásane u sukula o izuatu iê, hé u zoua mu menha, o ku kiemba nʼa zele kiua.
Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;
O ki u zubha kubhanga kiki, kiene kiua ki uehela Jilevita kubhanga kikalakalu kiâ mu balaka ia kutakanena; u a bonza, u a bhakula kala sata ia kubhukila.
Ni Mozé ni Alá ni kifuẋi kioso kia anʼa Izalaiele, anga a bhanga kienhiki ku Jilevita; kioso kia tumu Jihova kua Mozé, ku mbandu ia Jilevita, anʼa Izalaiele kiene muene kia a bhange.
Kia zubha ku a bhanga kiki, kiene kia bokona Jilevita mu kubhanga kikalakalu kiâ mu balaka ia kutakanena, bhu pholo ia Alá, ni anʼê; kioso kia tumu Jihova kua Mozé, ku mbandu ia Jilevita, kiene muene kia a bhange.