Dialuilu 8:12 - O Mikanda Ikola

¹² Jilevita anga a tula maku mâ ku mítue ia tungombe tua ndumbe; kamoxi u ka bhana mu sata ia kituxi, kamoxi u ka bhana mu sata ia kuoha, a tu satela Jihova, phala Jilevita ku a bhuisa o ikuma,

Dialuilu 8:12 ပူးပေါင်းရင်းမြစ်များ

Makatukilu 29:10

O ngombe ia kiubha u i bheka bhu kanga dia balaka ia kutakanena; ni Alá-phe ni anʼê, a tula maku mâ ku thanduʼa mútue ua ngombe.

Ijila 1:4

A tule lukuaku luê mu mútue ua sata ia kuoha; anga a i ẋikina bhu kididi kia muene phala ku mu bhangela kiamenga.

Ijila 14:22

ni membe maiadi ma mukáu, mba kaphomba mba kadiembe kamoxi kabhite ku ʼki kiatena kukuata o lukuaku luê, kaphomba mba kadiembe kamoxi kabhite ku kiamenga kia kituxi, kaphomba mba kadiembe kamukuâ kaie ku sata ia kubhakula ni túbhia.

Ijila 16:11

Kienhókio Alá uiza kiá ni ngalote ia ujitu uê ua kiamenga kia kituxi, kia kubhela ku mulonga uê-muène, a bhanga kiamenga kia ku di zelesa muene ni diembu diê; o ngalote ia ujitu ua kiamenga kia kituxi kiê-muène, a i jibhe.

Ijila 16:21

Anga Alá u tula maku mê maiadi ku thanduʼa mútue ua kisutu kia muenhu, kuene kua fisalela o ikuma ioso ia anʼa Izalaiele, ni itondalu iâ ioso, ni ituxi iâ ioso; anga u i lunjika ku thanduʼa mútue ua kisutuʼiki, anga u ki tumikisa mu kikangalakata, o muthu uoso uia-na-kiu, adianga ku mu kasa kiá.

Ijila 16:6

Bhenhobho-phe Alá ubhakula hanji o ngalote iê ia kiamenga kia kituxi, ku mulonga uê-muène; nʼa di zelese hanji muene ni diembu diê.

Ijila 4:15

O adiakimi oso a kilômbo a tule maku mâ bhu mútue ua ngombe, bhu pholo ia Jihova; ngombe anga a i jibhila bhu pholo ia Jihova.

Ijila 4:20

Kiene kia bhangʼiki, kioso kia bhanga ni ngombe ia sata ia kusatela kituxi, ni iii ue kiene; kala kiki nganga u a bhangela kiamenga, nʼa a loloka.

Ijila 4:35

O banha ioso u i katula-ku, kala ki ene kukatula banha ia mbudi ia sata ia paze; nganga anga u i ohela ku kalatódio, ku thandu dia maujitu ma Jihova ma kubhakula ni túbhia; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 4:4

Ngombe a i bheke bhu múelu ua balaka ia kutakanena; anga muene a tule lukuaku luê mu mútue ua ngombe, nʼa i jibhile bhu pholo ia Jihova.

Ijila 5:7

Se ka lende kukuata mbudi, mukonda dia uadiama, a bheke mu sata ia kituxi kiê kia te, membe maiadi, mba tuana tuiadi tua jipomba, kua Jihova, dimoxi mu sata ia kituxi, dimoxi mu sata ia kuoha.

Ijila 8:14

Anga u tuma ku mu bhekela kangombe ka sata ia kituxi, Alá ni anʼê anga a tula maku mâ mu mútue ua kangombe ka sata ia kituxi.

Ijila 8:15

Anga u ka jibha; Mozé anga u tambula o manhinga, u a ta ku jimbinga ja kalatódio ni mulembu uê, anga u bonza o kalatódio kene koso, o manhinga a subhuka-ku anga u a eẋikila bhoxi dia kalatódio u ka bhangela kiamenga, u ka kôlesa.

Ijila 8:18

Anga u tuma ku mu bhekela o kilumbe kia mbudi, kia sata ia kuoha; Alá ni anʼê anga a tula maku mâ ku mútue ua kilumbe kia mbudi.

Ijila 8:34

Kioso ki tua bhange kizuua kia lelu, Jihova kiene kia tumu ku ki bhanga, phala ku mi bhangela kiamenga.

Ijila 9:7

Bhenhobho Mozé anga u ambela Alá, uixi: Bhiẋila bhu kalatódio u bhane sata ié ia kituxi ni sata ia kuoha; u bhange kiamenga ni kié eʼmuène, ni kia kifuẋi; u bhange kiua ujitu ua kifuẋi, u a bangele ni kiamenga, kala kia tumu Jihova.

Dialuilu 6:14

anga u bhana ujitu uê kua Jihova, kilumbe kia mbudi kia muvu umoxi sé ngó dixaka, kia sata ia kuoha, ni mbudi ia mukaji ia muvu umoxi sé ngó dixaka, ia sata ia kituxi, ni kilumbe sé ngó dixaka, kia sata ia paze,

Dialuilu 6:16

Nganga anga u i bheka ioso bhu pholo ia Jihova, u bhana sata iê ia kituxi, u bhana sata iê ia kuoha.

Dialuilu 8:13

Jilevita anga u ji bhaka bhu pholo ia Alá ni bhu pholo ia anʼê, u ji bhakula kua Jihova kala sata ia kubhukila.

Dialuilu 8:8

A kuate-phe kangombe ka ndumbe, ni mubhaku uê ua mákudia, fuba ia kábhia iólunge ni maji, ni kangombe kamukuá ka ndumbe, a ku bhane-ku mu sata ia kituxi.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.