Dialuilu 7:1 - O Mikanda Ikola

¹ Mu kukala-phe kizuua kia zubha Mozé kuimika o balaka, ua i undu, iú ua i kôlesa, ni imbamba iê ioso, ni kalatódio ni itutu iê; iene ioso ua i undu ni maji, ua i kôlesa;

Dialuilu 7:1 ပူးပေါင်းရင်းမြစ်များ

Dimatekenu 2:3

Nzambi anga u ta kizediuise ku kizuua kia kasambuadi, anga u ki kôlesa; mukonda kiene kizuua kia nhoha mu kukalakala kuê, kua ima ioso ia bhanga ia iudika Nzambi.

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

Makatukilu 13:2

Ngi lumbile ana oso a phande-kumbi, oso a tuama kujikula divumu mu anʼa Izalaiele, a kale athu, a kale ibhaku; kuma ami.

Makatukilu 29:36

Kala kizuua ni kizuua u bhakula ue ngombe ia kiubha mu sata ia ituxi, ia kubhuisa ikuma; ni kalatódio u ka bonza ue, mu ku ka bhuisa ue ikuma ni kiamenga anga u ka unda ni maji, mbé u ka kôlese.

Makatukilu 40:11

O mbasinha ia kusukuila, ni mbunda iê i tula bhoxi, u i unda ue, nda u i kôlese.

Dialuilu 17:2

Ambela anʼa Izalaiele, u tambule kua ene jimbangala, ku dibhata ni dibhata dia jitata, u tambula-ku mbangala, ku ilamba iâ ioso, kala kiala o mabhata ma jitata jâ, kuinhi dia mbangala ni kiiadi; hé uila o muthu dijina diê u di soneka ku mbangala iê.

Dialuilu 7:10

Ilamba anga a bhana ue maujitu mû ku lumbila kalatódio, kizuua kia ka undu ni maji, ilamba a bhana maujitu mâ ku pholo ia kalatódio.

Dialuilu 7:84

Iú uene ujitu ua kalatódio, ua ku lumbila, kizuua kia ka undu ni maji, ujitu ua bhana ilamba ia Izalaiele: Kuinhi dia malonga ni kiiadi a phalata, kuinhi dia jimbasinha ni kiiadi ja phalata, kuinhi dia ngutu ni jiiadi ja ulu;

Dialuilu 7:88

ni jingombe joso ja jisata ja paze, makuinhi aiadi a ngombe ni kiuana, ilumbe ia jimbudi makuinhi asamanu, o isutu ia jihombo makuinhi asamanu, tumbudi tua muvu umoxi ue, makuinhi asamanu. Uene ujitu ua kalatódio ua ku lumba, kia zubha ku ka unda ni maji.

Matesu 23:19

Mu ifôfo! Ki kala kota kiebhi, o ujitu, inga o kalatódio ka kôlesa ujitu?