Dialuilu 6:27 - O Mikanda Ikola

²⁷ Kienhiki kiene ki mu ta jinga dijina diami ku thandu dia anʼa Izalaiele; eme ni ngʼa zediuise.

Dialuilu 6:27 ပူးပေါင်းရင်းမြစ်များ

Dimatekenu 32:26

O muenhú anga u amba, uixi: Ngehe kiá ngiie, kuma ku kúkia kiá. Muene-phe, uixi: Ki nga-nda ku ku ehela kuia, se u kamba ku ngi bhana o dibesá.

Dimatekenu 32:29

Jakobo anga u mu ibhula, uixi: Ngi tangele ue dijina dié, nga ku diondo. Muene uixi-phe: Phalahi u ngʼibhula o dijina diami? Anga u mu bhana o dibesá bhenhobho.

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jisálamu 5:12

Kuma eie, Ngana, u mukua kubhanga mbote kua ió uoso uaiuka; jihenda jé, u Jihova, ji kala ngubu ia ku mu xitila.

Jisálamu 67:7

Xi, Nzambi u tu bhana muene dibesá; mbé ene oso, katé ku maẋokololo, a mu kale ni uoma.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Izaía 43:7

Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.

Jelemiia 14:9

Kima kiahi ki uidila kala muthu a mu tukumuisa, kala dizonda dia lembua ku kudila? Hanji-phe eie Jihova, o muʼaxaxi kʼetu muene mu uala, etu phe a tu ixanena mu dijina dié: kana ku tu ehelela.

Dialuilu 23:20

Iala-ze, a ngi tumu kuta kizediuise; ua a zediuisa muene, ki ngi tena ku a vutula.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Matendelelu 28:10

O ifuẋi ioso mu ngongo a-nda kumona kuma, enu mu akua Ngana mu kidi, anga enda ni ku mi ẋila.