Dialuilu 6:23 - O Mikanda Ikola

²³ Ambela Alá ni anʼê kuma: Kienhiki ki mu bhana jinga kizediuise ku anʼa Izalaiele, ni kuila:

Dialuilu 6:23 ပူးပေါင်းရင်းမြစ်များ

Dimatekenu 24:60

Anga a benzela Bebeka, a mu ambela, exi: Phangʼietu uà kala u mama ia jimidi ja ndumba, mbutu ié, i tambule konda ia muelu ua jinguma jâ.

Dimatekenu 47:10

Jakobo anga u benzela Falaó, u tunda bhu pholo iê.

Dimatekenu 47:7

Zuze anga u bheka Jakobo dia tatʼâ, u mu tula bhu pholo ia Falaó. Jakobo anga u benzela Falaó.

Dimatekenu 48:20

Anga u a bhana kizediuise mu kizuua kiénhokio, uixi: Hinu mua Izalaiele mu kubhana dibesá, a kèla: Nzambi a ku sokese ni Ifalaime ni Manasa; maji Ifalaime ua mu te ku pholo, Manasa ua kaiela kuema.

I Jisobha 8:55

anga uimana, hé u benzela o kionge kioso kia Izalaiele ni dízui dia suína, uixi:

I Malunda 23:13

O ana a Amalame, enhá: Alá ni Mozé; O Alá a mu tungula phala kukolesa dingi o ima ikôla kinéne, ni muene ni anʼê, mu ithangana ioso katé ku hádia ni hádia; phala ku-ta o ima ia uasu ua mazumba bhu pholo ia Jihova, phala ue ku mu xibhidila jinga ni phala kubhana jinga o dibesá ku athu mu dijina diê katé ku hádia ni hádia.

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Makatukilu 39:43

Mozé kia tale o kikalakalu kioso, ua mono kuma a ki kalakala muene; kioso kia tumu Jihova, kiene muene kia bhange. Bhenhobho Mozé anga u a benzela.

Dialuilu 6:22

Jihova anga u ambela Mozé, uixi:

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

I Kolindo 1:3

Ku kale kiadi ku mualʼ oko, ni paze i tunda kua Nzambi, Tata ietu, ni kua Ngana Jezú Kristu.

Matendelelu 10:8

Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Matendelelu 21:5

Kienhokio-phe o Jinganga ja anʼâ Levi ji bhiẋila-bhu, kuma o Jihova Nzambi ié ua a sola phala ku mu bhikila muene, ni kubenzela athu mu dijina dia Jihova; o ki bhu kala mulonga, mba manhinga, enhá ene a batula o maka.

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

Jihebeleu 7:1

O Melekizedeke muenʼiú, ua kexi sobha ia mbanza ia Saleme, nganga ia Nzambi ua suka ku ukota. U takana ni Mbalahamu kioso kia kexi kuvutuka ku ita ia jisobha, Melekizedeke anga u mu bhana dibesá.

Jihebeleu 7:7

Kana-bhu phata kuila uoso u bhana o dibesá ua beta o ukota, o a mu bhana o dibesá ndenge. Mu ku tanga o jinganga-phe, o mbandu ia kakuinhi a i tambula ku athu a kinga o kufua.

Josuué 8:33

Izalaiele ioso-phe, ni adiakimi, ni jithuame, ni afundixi, emana ku mbandu ni mbandu ia álaka, bhu pholo ia jinganga ni jilevita ambata álaka ia kikutu kia Jihova, ni jinzuángiza ni iá a a vualela mʼonzo, ku bhata; mbandu iê emana mu mulundu ua Ngedizini, mbandu ia mukuá emana mu mulundu ua Ebale; kala Mozé mukalakadi ua Jihova kia tumu mʼokulu, ni a bhane nzediuise ku kifuẋi kia Izalaiele.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

II Nzuá 1:3

O kiadi, ni henda, ni paze, i kale mudienu, i tunda kua Nzambi, Tata, ni kua Jezú Kristu, Monʼê mu kidi ni henda.