Dialuilu 6:20 - O Mikanda Ikola

²⁰ nganga anga u i bhuka bhu pholo ia Jihova, kuma sata ia kubbukila, i kala-phe ujitu uangene ua nganga, kumoxi ni thulu ia sata ia kubhukila, ni kinamá kia ʼkuaku lua xitu ioso ia sata ia kuzangumuna. Se ua zubha kubhanga kiki, nazilé kiene kiua kia tena kúnua o vinhu.

Dialuilu 6:20 ပူးပေါင်းရင်းမြစ်များ

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Ijila 10:15

Ni kinama kia taku kia munomo, ni phetu ia kubhukila, a i bheka kumoxi ni maujitu ma kuoha ni túbhia ma banha, anga a i bhuka hanji kuma ujitu ua kubhukila bhu pholo ia Jihova: anga i kala ié, ni ia anʼé, kuma dikanda dienu dia izuua ioso sé thembu; mukonda kiene kia tumu Jihova.

Ijila 23:11

muene-phe a bhuke o kita kiki bhu pholo ia Jihova, phala Jihova a mi xikine;

Ijila 7:30

muene u bheka ni maku mê o maujitu ma Jihova ma kubhakula ni túbhia; o banha uiza na-iu kumoxi ni phetu, phala phetu a i bhukile bhu pholo ia Jihova, kuma sata ia kubhukila.

Ijila 7:31

O banha nganga u i ohela ku kalatódio; phetu-phe i kala iangene ia Alá ni anʼê.

Ijila 7:32

Ni kinama kia taku kia mbandu ia dilu, mu ki bhana ue nganga, kuma ujitu uê ua tundu mu sata jenu ja paze.

Ijila 7:34

Mukonda ni phetu ia kubhukila, ni kinama kia taku kia mubhaku, eme-muène nga i tambula ku anʼa Izalaiele ku jisata jâ ja paze, eme nga i bhana nganga Alá ni anʼê, diene dikânda diâ ni ku hâdia ku miji iâ ioso.

Ijila 9:21

Maji o jiphetu-phe ni inama ia taku Alá ua i bhuka, kuma ujitu ua kubhukila bhu pholo ia Jihova; kala kia tumu Mozé.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Dialuilu 18:18

O xitu iâ i kala ié; mukuá ni ku mubhaku ua kubhukila, o phetu i kala ié ni kinama kia taku kia mbandu ia kadilu.

Dialuilu 5:25

Nganga anga u tambula mubhaku ua makúdia ma difuba, uala bhu maku a muhatu, u kala mu bhuka mubhaku ua makúdia bhu pholo ia Jihova, hé u u bheka ku kalatódio;

Dialuilu 6:21

Kiki kiene o kijila kia nazilé ua te hasa, ni ujitu uê ua tokala kubheka ua ku di lumbila kua Jihova; u ta-ku dingi se ua tena kulenda kima; kioso kia tange mu hasa jê, kiene kia kaiela mu ku di lumba.

Matesu 26:29

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Marku 14:25

Ngi mi ambela kidi, kuma eme, ku sumu ia muvide, ki ngi nu-ku dingi, kate kizuua ki nga ka i nua ia ubhe, mu Utuminu ua Nzambi.

Nzuá 19:30

Jezú kia zubha kutambula o mvindangele, uixi: Kuabhu! Ioso iòtenese kiá! Anga u bheteka o mútue uê, muenhu anga u batuka.