Dialuilu 6:2 - O Mikanda Ikola

² Ambela anʼa Izalaiele, u a tangela, kuma: Hé diiala mba muhatu u ta hasa, hasa ia Nazilé, ia ku di lumbila kua Jihova,

Dialuilu 6:2 ပူးပေါင်းရင်းမြစ်များ

Makatukilu 33:16

Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Jisabhu 18:1

Muthu ki muiza kubhanga o jivondadi, jê, u baluka; o unjimu ua kidiʼó, u sola kúlua na-u.

Jelemiia 35:6

Maji ene exi: Ki tua-nda kúnua vinhu; mukonda Jonadabe, monʼa Lekabe, tatʼetu, ua tuʼambela, uixi: Ki mungu dingi mu nua vinhu, kixi enu, kixi anʼenu.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Ijila 27:2

Anʼa Izalaiele a tangele, u a ambela, kuma: Se bhu kala muthu uta hasa iê-muène, athu-phe kua Jihova kuta kuê akale ni suilu ioso i u a xindila eie, se hasa ia tokala muenhu ua muthu.

Dialuilu 30:3

O muhatu ue, se u ta hasa kua Jihova, anga u di kuta ni kikutu, o muene uala hanji mʼonzo ia tatʼâ, mu undenge uê,

Dialuilu 6:1

Jihova anga u ambela Mozé, uixi:

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Jipoxolo 18:18

Phaulu kia zubha kubhanga dingi izuua iavulu mu Korindo, ua xalesa jiphange, anga u di longa mu naviiu kuia ku Sídia, kumoxi ni Pidisila ni Akuila. O kuila kiluua a di longa mu naviiu, ua diangele-phe kubhuta muthue mu Sengeleia, kuma ua bhangele polomesa kua Nzambi (uadi dikangu, ua te hasa).

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Jihebeleu 7:27

Ka sokela ni jinganga ja makotʼojo. Ka bhingi kubhakula jisata izuua ioso, mu kusatela o ituxi iê-muène, ni ituxi ia mundu. Muène ua ki bhange ngó lumoxi, kuabhu, kia bhekele o sata ia mukutu uê muène.

Afundixi 13:14

Ka die kima ki tunda ku muvide, ka nue vinhu, mba kúnua kuoso-kuoso ku kodiuisa, ka die ue kima kiabolo; ioso i nga mu tendelela, a i aluke muene.

Afundixi 13:4

Kienhiki-phe di lange, nga ku diondo, kana kúnua vinhu, mba kúnua kuoso-kuoso ku kodiuisa, ku die ue kima kiabolo.

Afundixi 13:5

Mukonda-ze, eie ua-nda kuimita, hinu u vuala monʼa diiala, mona-phe ua bhingi ki ku mu tula phoko ia bhutu ku mútue uê, mbata muene ua-ndu kala Nazilé ia Nzambi, a mu lumbila Nzambi tunde mu divumu dia mamʼâ; muene hinu ua kà kula Izalaiele bhu lukuaku lua akua Fidíxia.

Afundixi 16:17

Anga u mu tangela ni muẋima uê uoso, uixi: Kilúua mu ngi bhita phoko ia bhutu mu mútue uami, kuma ngi Nazilé ia ngene ia Nzambi, a ngi lumbila Nzambi tunde mu divumu dia mamʼetu. Se kuila a ngi bhuta, nguzu i ngi bhua, ngi bhuila kala kiala akuetu oso.

I Samuuele 1:28

Mukonda dia kiki, eme uami nga mu lumbila Jihova, katé bhuoso bhua kà suka o muenhu uê. Ukala muthu uangene ua Jihova, mukonda ko kuê kuene ku nga mu bhingi. Anga u bheza Nzambi bhenhobho.