Dialuilu 6:14 - O Mikanda Ikola

¹⁴ anga u bhana ujitu uê kua Jihova, kilumbe kia mbudi kia muvu umoxi sé ngó dixaka, kia sata ia kuoha, ni mbudi ia mukaji ia muvu umoxi sé ngó dixaka, ia sata ia kituxi, ni kilumbe sé ngó dixaka, kia sata ia paze,

Dialuilu 6:14 ပူးပေါင်းရင်းမြစ်များ

I Malunda 15:26

Anga ki bhita-phe ue kuma, Nzambi mu ku kuatekesa akua Levi ambatele o álaka ia kikutu kia Jihova, abhakuile sambuadi dia tuana tua jingombe ni sambuadi dia ilumbe ia jimbudi, mu kusatela.

Jisálamu 66:15

Ngi bhakula kokué, jisata ja kuoha ja ibhaku ianete, kumoxi ni dizumba diambote dia ilumbe ia jimbudi; ngi bhana muene ni jingombe ni jihombo. (Selah.)

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 3:6

Se o ujitu uê ua sata ia kuoha ia ku satela Jihova, u kala ua kibhaku kia mbudi mba hombo, kixi ndumbe mba mukaji, ki kale-phe kiadisanze kiambote sé ngó unema uoso-uoso.

Ijila 4:27

Se bhu kala muthu dingi uoso-uoso ku akua-xi u ta kituxi, maji ka ki bhange kiluelu, hé u bhanga kima kia kidika Jihova kuma kana ku ki bhanga, iú uala ni kuêla;

Ijila 4:32

Maji se u bheka mbudi mu ujitu uê ua kusatela kituxi, u bheka mukaji uadisanze sé ngó unema.

Dialuilu 15:27

Hé muthu umoxi u ta kituxi kia kutondala, ki kia luelu, muene-phe u bheka hombo ia mukaji ia muvu umoxi ia sata ia kituxi.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.