Dialuilu 5:27 - O Mikanda Ikola

²⁷ o kia zubha ku mu nuisa menha, se kia kidi muene ua bhange ufusa, ua te kituxi kua muadi uê, menha-phe ma bheka mázui ma mu bokona bhenhobho, ma bheka misusu, katé divumu diê di jimba, ditabela di zoza, muhatu ió-phe u kala kisunji mu kaẋi ka akuá.

Dialuilu 5:27 ပူးပေါင်းရင်းမြစ်များ

Jisálamu 109:18

U ta mázui kala kiene o kizuatu kiê kia zuata; ma mu bokone-phe ku muẋima uê-muène kala menha, ma mu bhixile muene ku ifuba kala maji.

Ndongixi 7:26

Eme nga bongo-mo kima kia beta o kulula kúfua ndenge; kienhiki: O muhatu uedi, o muẋima uê ua di bhange kala uanda ni mabhebhe, o maku mê edi kala mikolo ia kabhila. Uoso ngó ua iuka bhu pholo ia Nzambi, muene ngó ua kà bhulaka kokuê, maji o ió uejidila kiá o ituxi, a kà mu kuta kuala muhatu muenhó,

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 29:22

Phala enhoso ai ku ubhika a tundu mua Juda iá ai ku Babilonha, a katuile-ku mázui, kiela: Jihova a ku bhange kala kia Zedekiia ni kia Ahabe a a zuzile ku túbhia kuala sobha ia Babilonha.

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Jelemiia 44:12

Nga-nda ku katula o masubhu, a subhuka kua Juda, a te pholo iâ mu kubokona mʼoxi ia Ijitu phala kunhunganena momo, anga a buikila eneʼoso mʼoxi ia Ijitu; a kà di bhala ku xibhata, a kà fua ku nzala; a kà jikinina muene tundé ku mona-ndenge tulé ku muadiakime; ni ku xibhata ni ku nzala kuene kua kà fuila; a kà kituka mbolèle, a ka di bhanga kisunji, ni mázui ni lusebu.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Dialuilu 5:20

Maji-phe se ua ki bhange, eʼmuene u mukajiʼa muthu, se ua bhange ufusa, sai diiala ua zeka-nê, ki muene muadi uê,

Dialuilu 5:28

O ki kala-phe ka bhangé ufusa, ua zediê, ki ku mu bhiti kima, ni kuaia u bhanga muiji.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.

II Phetele 2:10

Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.