Dialuilu 5:18 - O Mikanda Ikola

¹⁸ Nganga anga u bheka muhatu bhu pholo ia Jihova, kindemba ku mútue ua muhatu a ki vungununa, ki kala ngó, o mubhaku ua makudia ua dibanzelu a mu kuatesa-u bhu maku, o mubhaku ua mákudia ua difuba; nganga-phe muene u kuata ni lukuaku luê o menha alulu a bheka mázui.

Dialuilu 5:18 ပူးပေါင်းရင်းမြစ်များ

Jisabhu 5:4

Maji o dizubhilu diê dʼila lokoso, di lula muene kala kingululu, di toma ku muenhu kala xibhata ia mazu aiadi.

Ndongixi 7:26

Eme nga bongo-mo kima kia beta o kulula kúfua ndenge; kienhiki: O muhatu uedi, o muẋima uê ua di bhange kala uanda ni mabhebhe, o maku mê edi kala mikolo ia kabhila. Uoso ngó ua iuka bhu pholo ia Nzambi, muene ngó ua kà bhulaka kokuê, maji o ió uejidila kiá o ituxi, a kà mu kuta kuala muhatu muenhó,

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Ijila 13:45

Izuatu ia mukua-dibhute, ua tambula dibhebhu, tandulenu-iu, o kindemba kiê mu mútue kile ni kiene fuandu-fuandu, a mu vungine o muzumbu ua thunda ni kithethele, ende ni ku di kola, uixi: Nga xidi! Nga xidi!

Dialuilu 5:15

bhenhobho diiala u bhinga u bheka mukajʼê kua nganga, ni mubhaku uê uiza na-u, mbamdu ia kakuinhi ku efah ia fuba ia sevada; ka lunduluila-ku-phe maji, ka te-ku ue uasu ua dizumba kuma mubhaku ua kúdia kua difuba, ua kufika kiaiibha, mubhaku ua dibanzelu, u bhekela ku banza o kituxi.

Dialuilu 5:17

nganga-phe u katula menha akôla, mu kitutu kia mavu; o ku fufuta ia bhoxi mu balaka u zangula-ku ue, u ta mu menha.

Dialuilu 5:19

Nganga anga u mu lokesa, u ambela muhatu: se kuende ni diiala, se kua dianguka mu bhanga ufusa, eʼmuene u mukajiʼa muthu, menha iá alulu a bheka mázui, ka ku bhange kima.

Dialuilu 5:22

Menha iá a bheka mázui, a ku bokone mu divumu, a bhangese ditabela dié ku kamba nguzu, divumu dié di jimba, Mu hatu-phe ua kèla, Amene, Amene!

I Kolindo 11:15

Maji o muhatu-phe se u kala ni kindemba kialebha, ki mu uabhesa dingi; kindemba kiê kiene kia mu bhelakiu, phala ki kale divunga diê.

I Kolindo 11:6

Kuma muhatu se ua kambe ku di futa o mutue, a mu bhute-phe o jindemba, phala kibhue-ku. Maji se ki kala kima kia jisonhi, o muhatu ku mu kolola o mutue, mba ku mu tokola ni ku mu bhutisa ue o kindemba, kuabhu-phe, a di fute veu ku mutue.

Matendelelu 29:18

Ki bhu kale-phe diiala muʼaxaxi kenu, mba muhatu, mba diembu, mba kibuka kia muiji, nʼa kala ni muxima u ẋanjuka kua Jihova Nzambi ietu, hé u di ta mu bheza o mahamba ma miji iii; phala muʼaxaxi kenu ki mu kale kima ki sabhukisa lundanji lualulu.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

I Samuuele 15:32

Samuuele anga u zuela, uixi: Ngi bhekedienu bhabha, Akake, sobha ia akua Amaleke. Akake anga uiza ni kudikenha. Kuma Akake, uixi: Kidi muene kulula kua kalunga kua ngi somboka kiá.