Dialuilu 4:5 - O Mikanda Ikola

⁵ O kilombo hé kia-ndu katuka mu kuenda, Alá ni anʼê a tuama kubokona, a tulula dibeka dia kibatulu, a di futa ku álaka ia umbangi;

Dialuilu 4:5 ပူးပေါင်းရင်းမြစ်များ

I Malunda 15:15

O ana a mala, ku akua Levi hé a bheka o álaka ia Jihova, bhu isuxi, kala Mozé kia ki tendelela, kala kia tokala mu kizuelu kia Jihova; ni mikambu ia kunhatena ia kexile na-iu hanji ku thandu dia isuxi iâ.

I Malunda 23:26

O ku akua Levi ue, a tange kuila ki mungu dingi à kʼambata o balaka ia kalatódio, mu kunhunga na-iu, né o imbolongondo ioso iatokala ku ukunji uê.

II Malunda 3:14

Anga u iudika ue kibatulu kia azulu, ni purpura, ni thanga i kusuka, ni linhu ia iuka kiambote, anga u ta-ku ue jixelube.

Makatukilu 36:35

Anga a iudika kibatulu kia azulu, ni púlupula, ni kalumezim, ni linhu ia fina ioxise; ku kala ni jixelube, ufunu ua mesene ia mulongo.

Makatukilu 40:3

U ta muenhomo álaka ia umbangi, álaka anga u i xitila ni kibatulu.

Makatukilu 40:5

O kalatódio ka ulu ka uasu ua dizumba u ka bhaka mu divula, álaka i kala mu xilu, anga u ta dibeka dia kuxita bhu muelu ua balaka.

Izaía 25:7

O kivunga kia pholo muene ua kà ki bhuisa-ku ku mulundu uenhú, iú, kioso ki ene ku di vunga na-kiu ifuẋi ioso, ni kivunga-mútue mua mu suamena akua jixi.

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Dialuilu 10:14

Kua tuamena ku katuka mvela ia Kibangu kia anʼa Juda ni ilombo iê, ua a kala ku pholo, Nasono dia Aminadaba.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:4

Kikalakalu-phe kia anʼa Kohate kienhiki mu balaka ia kutakanena, ku imbamba ikôla kinène.

Dialuilu 7:9

Anʼa Kohate-phe ka a bhana-ku kima, mukonda kikalakalu kiâ o dibhezelu; o imbamba ia tokala-ku a i ambatela bhu isuxi.

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.

Jihebeleu 10:20

Muʼaxaxi ka kibatulu, kifua o mukutu uê; muène ua tu jikuila njila ia ubhe, ia muenhu.

Jihebeleu 9:3

O kuema dia kibatulu kia kaiadi, balakʼoio a ixana mu Kididi-Kikôla-Kinéne.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.