Dialuilu 4:15 - O Mikanda Ikola

¹⁵ Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:15 ပူးပေါင်းရင်းမြစ်များ

II Samuuele 15:24

Talesa-phe, Abiiatale anga u banda ue ku thala, Zadoke ue uiza, ni jilevita joso kumoxi, a kexe mu kuambata álaka ia kikutu kia Nzambi; anga a tula álaka ia Nzambi bhenhobho katé mundu uoso azubha kutunda mu mbanza.

II Samuuele 6:13

Mu ku ki bhanga-phe, oso akua kuzenza álaka ia Jihova, kia te-ku ngó makanda masamanu, u satela-bhu ngombe ni mbudi ia sevado.

I Jisobha 8:3

Adiakimi oso a Izalaiele anga eza; o jinganga anga a zangula o álaka ia Ngana.

I Malunda 15:15

O ana a mala, ku akua Levi hé a bheka o álaka ia Jihova, bhu isuxi, kala Mozé kia ki tendelela, kala kia tokala mu kizuelu kia Jihova; ni mikambu ia kunhatena ia kexile na-iu hanji ku thandu dia isuxi iâ.

I Malunda 15:2

Davidi-phe, uixi: Kana muthu utena kuambata o álaka ia Nzambi, kikale ngó o jilevita; kuma Jihova ua a lumbu, phala kuambata o álaka ia Nzambi ni ku mu bhikila katé ku hádia ni hádia.

I Malunda 23:26

O ku akua Levi ue, a tange kuila ki mungu dingi à kʼambata o balaka ia kalatódio, mu kunhunga na-iu, né o imbolongondo ioso iatokala ku ukunji uê.

Makatukilu 19:12

O mundu ua kà a xindila jimbámbe ku mbandu joso, hé u a tangela, uixi: Di langienu! Ki mu bande ku mulundu, mba mu bhiẋila mu jimbambe jê, kuma uoso u tuta ngó mu mixinda ia jimbambe ja mulundu, a kà mu jibha.

Makatukilu 19:21

Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 27:7

Mikambu a i ta mu malenge mu jimbandu ja kalatódio, phala mu kuambata o kalatódio ni ikale mu jimbandu.

Ijila 16:13

A lalumuine o uasu ua dizumba bhu makala a túbhia, bhu pholo ia Jihova, phala o ifuke ia uasu ua dizumba ki ienda ni kutukumuka, ivungine o kibhuna kia kiadi, kiala ku thandu dia alaka ia umbangi phala i muene ka fue.

Dialuilu 1:50

akua Levi-phe u a tungula, a kuate kulanga balaka ia umbangi, ni itutu iê ioso ni ima ioso ia tokala-ku; ene ambata o balaka ni itutu iê ioso; ene a i kalakela, mu ta kibangu ene a bhaka balaka mu kaẋi.

Dialuilu 1:51

O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 10:21

Bhenhobho, anʼa Kohate ambata imbamba ia dibhezelu, a suluka; a tuamena ni balaka, o iá, mu kutula, a sanga a i imika kiá.

Dialuilu 18:3

Anga ene enda ni ku ku langidila, ni kulangidila o balaka ioso; maji o ku itutu ia dibhezelu ka bhiẋile-ku, mba ku kalatódio, mbé kʼafue, kutale ene, uixi enu.

Dialuilu 3:38

A ta kibangu kiâ bhu pholo ia balaka, ku mbandu ia thunda, ene a Mozé, ni Alá ni anʼâ, a langidila dibhezelu, ni ima ioso i bhanga anʼa Izalaiele mu kubheza; muthu uengi uiza-bhu u kala muthu ua ku mu jibha.

Dialuilu 4:14

a ta ku thandu diê imbamba iê ioso iene kukalakela na-iu ku kalatódio, ni iomuenu ia kuambatela túbhia, ni jingouele ja kukuata xitu, ni jipá ni jimbasinha, imbamba iê ioso kiá; anga a ta-ku divunga dia ibha ia njimbu, hé a ta-ku ni mikambu iê.

Dialuilu 4:19

inda mu a bhanga kiki, phala a laie, ka fue, kia bhixila mu kuzangula o imbamba ikôla kinène: Alá ni anʼê ene a tuama o kubokona, hé a a uanena muthu ni muthu ni kikalakalu kiê, ni kimbamba kiê,

Dialuilu 4:20

ene-phe ka tuame kubokona mu dibhezelu, nʼa mone kioso ki a ta imbamba ikôla mu mavunga, phala ka fue.

Dialuilu 7:9

Anʼa Kohate-phe ka a bhana-ku kima, mukonda kikalakalu kiâ o dibhezelu; o imbamba ia tokala-ku a i ambatela bhu isuxi.

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.

Josuué 4:10

O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.