Dialuilu 34:3 - O Mikanda Ikola

³ Mbambe ienu ia sulu i tunda mu kikangalakata kia Zini, i kunga bhu mbandu ia Idomo, mbambe ienu ia sulu anga i tunda bhua suku o Kizanga kia Môngua ku thunda, ku mutundila-kumbi,

Dialuilu 34:3 ပူးပေါင်းရင်းမြစ်များ

Dimatekenu 14:3

Ene oso iá a di bhongoluela mu dikôlo dia Sidine (muene muala o kangu dia môngua).

Makatukilu 23:31

Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Izekiiele 47:13

O Jihova Nzambi uambe kiki: O iii iene o mbambe mu mi uanena o ixi mu ulundudi uenu, kala kioso kiá kiala o kuinhi dia miji ni kiiadi ia Izalaiele. O Zuze u kala ni makânda aiadi.

Izekiiele 47:8

Bhenhobho-phe u ngʼambela, uixi: O menha iá a mu kungulukila ku mbandu ia thunda, hé a kulumuka mu musanza ua Kalunga ka di Fuila; o kia zubha o kubhiẋila momo, menha ma kalunga ma iuka kiá.

Dialuilu 13:21

Ene anga a banda, a londa ixi, tundé mu kikangalakata kia Zini, katé ku Iehote, bhu dibokuenu dia Hamate.

Josuué 1:4

Tunde ku kikangalakata, ni ku mulundu ua Libano, katé ku ngiji ia dikota ia Ufalate, ixi ioso ia Mahiti, katé ku musanza ua kalunga ku mbandu i fuila dikumbi, kuene ku mbambe ienu.

Josuué 3:16

Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.