Dialuilu 34:2 - O Mikanda Ikola

² Tuma anʼa Izalaiele, u a ambela, kuma: Kioso ki mu bhiẋila mʼoxi ia Kanana, kuma iene ixi i mua-nda kulundula, ixi iii, ia Kanana, jimbambe jê jenhiji:

Dialuilu 34:2 ပူးပေါင်းရင်းမြစ်များ

Dimatekenu 10:19

Akua Kanana-phe mbambe iâ, tunde bhu Sidone uia katé bhu Jelale, bhuamoxi ni Ngaza; u kuata dingi katé bhu Sodoma ni Ngomola, bhu Adama ni Zeboini, katé bhu Laxa.

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Jisálamu 105:11

Uixi: Eie-muène ngi ku bhana o ixi ia Kanana, nga ku batuila-iu, i kale undundu ué.

Makatukilu 23:31

Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Izekiiele 47:13

O Jihova Nzambi uambe kiki: O iii iene o mbambe mu mi uanena o ixi mu ulundudi uenu, kala kioso kiá kiala o kuinhi dia miji ni kiiadi ia Izalaiele. O Zuze u kala ni makânda aiadi.

Izekiiele 47:14

Mu i uana ni kusokelela kuoso mu maundundu bhu kaxi ka muiji ni ua mukuá; mbata o ku thandu diaʼxi iii, nga zanguila-ku o lukuaku luami, eme nga loka, ngixi, ngii bhana ku jitata jenu; kala kiki o ixi ienhiʼii, ia-nda ku kituka ienu, ia undundu.

Dialuilu 34:1

Jihova anga u ambela dingi Mozé, uixi:

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Efezo 1:14

O Nzumbi Ikôla kifua diene o diẋikina dia tu bhana dia kuila hinu tua kà tambula kua Nzambi kiokio kia kanena o mundu uê, ni kuila hinu Nzambi ua kà bhana ufolo uatenena kua ió oso a mu tokala. Uila kiki, tu Ximanienu o unéne uê!

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Josuué 13:1

Anga Josuué u kuka, ua sunga-ku kiá ku izuua iê; Jihova anga u mu ambela uixi; Eie uakukʼó, ku izuua ua sunga-ku kiá; oxi-phe, iabhingi o ku i tambula, hanhi muene ia nzungule.

Josuué 21:43

Jihova, mu ku bhanga kiki, ua bhana muene oxi ioso kua anʼa Izalaiele, ia lokelele o ku i bhana ku jitata jâ, o ene anga a i ívua muene, a tunga momo.