Dialuilu 32:29 - O Mikanda Ikola

²⁹ Mozé anga u a ambela, uixi: Se anʼa Ngade ni anʼa Lubene, a xikina kuzaúka ni enu ku sámbua dia Njolodá, oso a maneka, mala a kuia ku ita ku pholo ia Jihova, ixi anga i toloka, i kala kiá ienu; ene-phe mu a bhana ixi ia Ngiliiade i kale iâ ene ia kúvua;

Dialuilu 32:29 ပူးပေါင်းရင်းမြစ်များ

Dialuilu 32:17

etuʼene-phe, tu maneka, ku tuamenena anʼa Izalaiele katé tua a bheka mu ididi iâ; anʼetu-phe a bhinga a xala mu jimbonge ja imbaka mukonda dia akuaʼxi.

Dialuilu 32:28

Mozé anga ua tendelela kua nganga Eleazale, ni Josuué dia Nune, ni mítue ia mabhata ma jitata ku miji ia anʼa Izalaiele.

Dialuilu 32:30

hé ka ẋikina-phe ku ki bhanga, o kuzaúka ni enu, nʼa maneka mu kúlua ita, kikale-phe a tambula jixi kumoxi ni enu ku sámbua dia Kanana.

Josuué 12:6

Enhá, Mozé, o ngunza ia Jihova, ni anʼa Izalaiele, ene a a jibhile; Mozé-phe, o ngunza ia Jihova, oxi ienhiʼii iu ua i bhana akua-Lubene, ni akua-Ngadi, ni kaxaxi ka muiji ua Manasa, mu ubhinganu.

Josuué 13:11

ni Ngiliiade, ni mbambe ioso ia akua Jesule, ni akua Makata, ni mulundu uoso ua Helemone, ni Basane ioso katé Sálaka;

Josuué 14:3

Kuma kua tundu kiá miiji iiadi ni kaxaxi, a a bhele kiá undundu uâ kuala Mozé mu sámbua dia Njolodá; maji-phe jilevita ka a bhana undundu ua kima muʼaxaxi kâ.

Josuué 18:7

Jilevita-phe (anʼa Levi) ka-nda kutambula kibatu muʼaxaxi kenu, kikale undundu uâ ene o kubhanga kikalakalu kia unganga uangene ua Jihova. O Ngadi, ni Lubene ni kaxaxi ka muiji ua Manasa, a tambula kiá ubhinganu uâ ku sámbua dia Njolodá, ku thunda, ua a bhele Mozé, o mukalakadi ua Jihova.

Josuué 22:9

Kienhiki anʼa Lubene, ni anʼa Ngadi, ni kaxaxi ka muiji ua Manasa, a vutuka kiá, hé a tunda ku Silu, a xa anʼa Izalaiele, mu ixi ia Kanana; anga aia ku ixi ia Ngiliiade, kʼoxi ia ubhinganu uâ, ua a lunduixile, mu ngonge ia Jihova bhu thembu kiala-ku hanji Mozé ku ukunji.

Afundixi 10:3

Kutunda kua muene, kua zangalala Jaile mukua Ngiliiade, anga u tundisa Izalaiele mu makuinhi aiadi a mivu ni mivu iiadi.

I Samuuele 18:17

Saúlo anga u ambela Davidi, uixi: Eie-ze, monʼami ua muhatu, Melabe o dikota, ngi ku bhana-nê mu kusakana, kabasa ua kolokota ngó ni uzonda ua ku ngi bhângela, mu kúlua ita ia Jihova. Kuma Saúlo uambe ku muẋima uê, uixi: Lukuaku luami ki lu mu tule, mukonda o ku mu jibha eme, ki ki uabha; kota a fuile ku lukuaku lua akua Fidíxia.