Dialuilu 32:22 - O Mikanda Ikola

²² ixi ioso anga i toloka ku pholo ia Jihova; enu kiene kiua ki mu vutuka, ki mu kala-phe dingi ni kituxi kua Jihova, ni kua Izalaiele; ixi iii-phe iene i kala ienu ia kúvua, bhu pholo ia Jihova.

Dialuilu 32:22 ပူးပေါင်းရင်းမြစ်များ

II Samuuele 3:28

Ki kia zubha kubhita, Davidi anga u kʼivua, uixi: Ni eme ni utuminu uami, ki ki kale kituxi kietu bhu pholo ia Jihova, ku mivu sé dizubhilu, kiki kia manhinga ma Ahinele monʼa Nedi.

Jisálamu 78:55

Akuaʼxi momo ua a kaie bhu pholo iâ, oxi iâ ua a bhana-iu ene mu ibatu-ibatu, o mabhata mâ, Izalaiele muene ua bhingana mu kutunga-mu.

Ijila 14:34

Kioso ki mu bhixila mʼoxi ia Kanana, i nga-nda ku mi bhana mu ubhingano, Eme anga ngi tuma dibhebho dia dibhute ku kuata ku inzo, mʼoxi i mua-nda kúvua;

Dialuilu 32:21

enu oso mua maneka anga mu zaúka Njolodá ku pholo ia Jihova, katé kia kà zubha kukaia jinguma jê, anga ji mu bhua ku mesu,

Matendelelu 3:20

Katé Jihova kia bhana jiphange jenu o dinhohenu, kala kia mi bhana enu; nda ene a lundule uâ oxi ioso ia-nda ku a bhana Jihova ku sámbua koko dia Njolodá, anga mua kà vutuka kiua, kala muthu ku undundu uê u nga mi bhana kiá.

Josuué 1:15

Katé Jihova kia kà bhana akuenu kunhoha, kala kia mi bha-ku enu, ni a xikame mu jixi jâ, ja a bhana Jihova Nzambi ienu; kiene kiua ki mu vutuka, mu xikame kiambote mu jixi jenu ja mi bhana Mozé, ngunza ia Jihova, ku sámbua kuná dia Njolodá, ku tundila dikumbi.

Josuué 10:30

Jihova u mu bhakula ue bhu lukuaku lua Izalaiele, ni diembu ni sobha iê, iu ua mu bhitisa ku mazu a xibhata ni atu oso a kexi-mu; ka xisa-ku kama ka subhuka; o sobha iê ua mu bhange kala kia bhange sobha ia Jedikó.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Josuué 13:8

O kaxaxi kenhaka akuâ a tambuila kiá bhuamoxi ubhinganu uâ ni akua muiji ua Lubene ni akua Ngadi; Mozé muene ua a bhana-u ku sámbua diodio dia Njolodá, ku thunda; kala kia a xindilile Mozé, ngunza ia Jihova.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

Josuué 2:19

Hé bhu kala muthu u tunda mu nzunga, manhinga mê ma kala ku thandu dia mútue uê muene, ki ki kala kikuma kietu; uoso-phe uala mʼonzo, manhinga mê ma kala ku thandu dia mútue uetu, se bhu kala muthu u mu tula lukuaku.

Josuué 22:4

Leluʼidi-phe kuma Jihova Nzambi ienu ua bhana kiá o thungu ni somo ku jiphange jenu, ia a nhoha kala kia ambelele muene, vutukilenu-phe kiá ku jibalaka jenu, ndé-nu kiá kʼoxi ia ubhinganu uenu, ua mi bhele Mozé, selevende ia Jihova, ku sámbua dia Njolodá kunhá.

Josuué 22:9

Kienhiki anʼa Lubene, ni anʼa Ngadi, ni kaxaxi ka muiji ua Manasa, a vutuka kiá, hé a tunda ku Silu, a xa anʼa Izalaiele, mu ixi ia Kanana; anga aia ku ixi ia Ngiliiade, kʼoxi ia ubhinganu uâ, ua a lunduixile, mu ngonge ia Jihova bhu thembu kiala-ku hanji Mozé ku ukunji.