Dialuilu 31:8 - O Mikanda Ikola

⁸ Jisobha ja Midiiane anga a ji jibhila kumoxi ni athu amukuá afu: ni Evi, ni Lekeme, ni Zule, ni Hule, ni Leba, jisobha jitanu ja Midiiane, ni Balamu dia Beola ue a mu jibha ni xibhata.

Dialuilu 31:8 ပူးပေါင်းရင်းမြစ်များ

Jisálamu 10:2

Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Jisabhu 11:3

O kidi kia athu aiuka, kiene kia kà endesa; maji o uendelu ua lusebu, u bhekela atondadi kusekala.

Jisabhu 13:17

Kisuéia kia phunga, mua bhita u xisa divuua; maji o kilolo-phe kia fiiele, o kua bhita, u bheka kudisanza.

Habakuke 3:7

Nga mono jibalaka ja Kuzane ja disuuata ni malamba; o ibènge ia ixi ia Midiiana i kala mu teketa.

Dialuilu 22:10

Balamu anga u ambela Nzambi, uixi: Balake, monʼa Zipolo, sobha ia akua Mouabhe, ua ngi tumikisa-nâ, uixi:

Dialuilu 22:4

Mouabhe anga u ambela makota ma Midiiane, uixi: Mua-nda kumona, kilômbo kiosuʼiki a-nda kulesa mu jimbandu jetu, kala ngombe ki i lesa iangu ku mukáu. Balake monʼa Zipolo muene sobha ia Mouabhe izuua ienhoio.

Dialuilu 22:5

Anga u tuma jiphunga kua Balamu monʼa Beola, bhu Petolo, bhu mbandu ia njila, iene ixi ia undundu uê, phala ku mu kolomona, uixi: Kunu-ze kueza kituxi kia tundu mu Ijitu; a tula ixi ioso, o bhua tula a ngi zukama kiá.

Dialuilu 23:10

Nanhi u alula Jakobo, avulu kala fufuta ia mavu? U tanga ngó mbandu ia kauana ia Izalaiele? Ngi fue ufuilu ua athu aiuka, dizumbukilu diami di soke ni dia muene.

Dialuilu 24:14

Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Dialuilu 24:25

Balamu anga u balumuka-bhu, uenda, u vutuka ku bhata diâ; Balake ue uela ni njila iê.

Dialuilu 25:15

Muhatu mukua Midiiane, dijina diê Kosbi monʼa Zule; tatʼâ kilamba ue mu dibhata dia jitata ku Midiiane.

Dialuilu 25:18

kuma ene a mi tatesa ni midiangu iâ ia mi tobhesa na-iu mu mulonga ua Peole, ni mu mulonga ue ua Kosbi, monʼa kilamba kia Midiiane, phange iâ ia muhatu, a mu jibhile kizuua kia kibuika mu mulonga ua Peole.

Dialuilu 31:16

Enʼiá-ze, ene a sendula anʼa Izalaiele, mu kaiula ka Balamu, mu kubhukumukina Jihova mu mulonga ua Peole, anga a bheka kibuika mu kilômbo kia Jihova.

Dialuilu 31:9

Anʼa Izalaiele anga ambata ahatu a Midiiane ni anʼâ kuma jihutile ja ita; ambata ue ni ibhanga iâ, ni ilumbe, ni jimbongo jâ joso, kuma mbole ia ita.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.