Dialuilu 31:54 - O Mikanda Ikola

⁵⁴ Mozé ni nganga Eleazale anga a tambula o ulu iú ku jithuame ja jimidi ni jithuame ja jihama, anga a u lunda mu balaka ia kutakanena, mu kukala dixinganekenu dia anʼa Izalaiele bhu pholo ia Jihova.

Dialuilu 31:54 ပူးပေါင်းရင်းမြစ်များ

Ejidala 7:5

monʼa Abisuua, monʼa Fineia, monʼa Eleazale, monʼa Alá, nganga ia dikota, phangeʼa Mozé.

Jisálamu 115:1

Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 145:7

A kà tanga musêndu ua mbote ié iavulu, hé emba o mukumbi ua kukumbidila kué.

Jisálamu 18:49

Mukonda dia kiki, nga kà ku ximana Jihova, muʼaxaxi ka akua jixi; dijina dié ngi di ximana muene ni kuimba.

Makatukilu 28:12

Matadi maiadi enhá, anga a ma jika ku jifita ja efodi ji bhita bhu isuxi, phala a kale matadi ma dilembalelu dia anʼa Izalaiele; Alá ki aia jinga bhu pholo ia Jihova, u ambata majina mâ bhu isuxi iê iiadi, phala Ngana a a te muxima.

Makatukilu 30:16

Eie-phe u tambula kitadi kiki kia ku di bhuisa ikuma, ku anʼa Izalaiele, phala ku ki bhana mu kikalakalu kia balaka ia Jihova, phala enu uenu ku di bhuisa ikuma ku mienhu ienu.

Zakadiia 6:14

O itundu iii ia kà kala ia Heleme, ni Tobiia, ni Jedaia, ni Heme monʼa Sofoniia, ia kà di bhanga dilembalesu diê mu Tembulu ia Jihova.

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Luka 22:19

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.