Dialuilu 30:2 - O Mikanda Ikola

² Se diiala di ta hasa kua Jihova, mba u loka mulôko ua ku di kuta o muenhu uê ni kikutu, ka tena kualuluka bhu dimi; ki kale u kumbidila kioso kia mu tundu ku dikanu diê, kiene kia bhanga.

Dialuilu 30:2 ပူးပေါင်းရင်းမြစ်များ

Jobe 22:27

Eie ua kà sambela Nzambi, o muene ue u kuívua; eie ua kà futa muene ioso i ua di hambelela kua muene.

Jisálamu 116:14

Ngi futa jipolomesa jami, ji nga plometela kua Jihova, ngi ki bhanga muene bhu pholo ia mundu uê uoso.

Jisálamu 116:18

Ngi futa jinga jiplomesa jami, ji nga polometela kua Jihova, ngi ki bhanga muene bhu pholo ia mundu uê uoso;

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Jisálamu 22:25

Eie-muène nga ku te thâthe bhu pholo ia athu avulu; kioso ki nga loko, ngi ki kumbidila bhu pholo ia akua uôma ué.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Jisálamu 56:12

Ioso i nga di hambelela ko kué, Ngana Nzambi, eme nga-nda ku i kumbidila muene; ngi ku bhakuila ni maujitu ma kusakidila.

Jisálamu 76:11

Lokenu kua Jihova Nzambi ienu, o ioso i mua di lokela futenu-iu muene; enu mu akua kilômbo kiê, mu tudidienu maujitu, zenu kua ió ua tokala ku mu kuatela uôma.

Makatukilu 20:7

Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Jisabhu 20:25

O kuzuela kua kulundumuka, uixi: Nga ki tela Nzambi, o ki u zubha kubhana jipolomesa, anga u tangalala kiua ni ixinganeku.

Ijila 5:4

Mba muthu se u zuela ngó lusolo mu kuloka, kixi mu kubhanga kiaiibha kixi mu kubhanga kiambote, kioso-kioso kia tange muthu ni kuloka, mu kuzuela ngó lusolo sé ku kʼijiia; o kia-ndu tambula kilunji anga u kʼijiia, u kala ni kuêla mu kima kala kiki.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Dialuilu 21:2

Izalaiele anga a di hambelela kua Jihova, exi: Se kidi muene u ngi bhana kifuẋi kienhiki bhu maku mami, jimbonge jâ ngi ji buidisa muene.

Dialuilu 30:10

Ki ki kala-phe hasa iê ua i tele mʼonzo ia muadi uê, anga u di kuta muenhu uê ni kikutu mba mulôko,

Dialuilu 32:24

Tungenu kiá mabhata ma anʼenu, ni ibhanga ia jimbudi jenu, mu bhange kioso kia tundu mu kanu dienu.

Matesu 23:16

Lamba dienu, mu asonguedi a ifôfo! Muala kulonga kuila: Uoso u lokela Tembulu, ki kima; uoso-phe u lokela ulu ua Tembulu, ió ua di kutu.

Matesu 23:18

Muixi dingi: Uoso u lokela kalatódio, ki kima; uoso-phe u lokela ujitu ku thandu a kalatódio, ió ua di kutu.

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Jipoxolo 23:14

Ene anga a bhixila ku jinganga ja makota ni adiakime, exi: Etu tua di kutu ni mazui mavulu, kuila ki tudi, ki tunu, katé tua jibha Phaulu.

Jipoxolo 23:21

Eie-phe ku a evue. Kuma ku mundu uâ, makuinhi a uana a muthu ndenge, a mu batamena phala ku mu jibha. Ene oso a di kutu ni mulôko ua mázui kuma ka-di, ka-nu, katé kia jibha Phaulu. Kienʼiki ala kia polondo, a kinga ngó o kizuelu kié.

II Kolindo 1:23

Eme-phe Nzambi a ngi kale mbangi ku thandu dia muenhu uami, kuma kia ngi fudisa kuia kindala ku Kolindo mukonda enu nga mi fikixila.

Afundixi 11:11

Bhenhobho Jefete anga uia ni adiakimi a Ngiliiade, mundu anga a mu bhanga muene mútue uâ, kifua muene sobha iâ; Jefete anga u zuela dingi bhu pholo ia Jihova, bhu Mixipa, o maka mê moso ma tele ni adiakimi.

Afundixi 11:39

Kia zubha-phe kubhanga mbeji jiiadi, muene u vutuka kua tatʼâ, anga tatʼâ u mu bhanga kioso kia tangele mu ku di hambelela kuê; monʼê-phe uafu kejiia luua diiala. Kienhiki anga ki xalela kífua mua Izalaiele,