Dialuilu 30:13 - O Mikanda Ikola

¹³ Hasa ioso mba mulôko uoso ua te, mu kutatesa muenhu uê, muadi ue u i kuatesa mba u i selula.

Dialuilu 30:13 ပူးပေါင်းရင်းမြစ်များ

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Izaía 58:5

Mbé kuene o kujila ku nginda emeʼuku? ngixi muthu a di huhe muenhu uê kumbi dioso dia kambàmba? o kubheteka mútue kala mbamba, ni ku di-sukika mulàla ua kidinhaji ni ku di-kuua uthôkua, mua fika kuene o kujila, kuambe? o kidi eie u ki kita kujila, uixi kiene o kizuua ki tena kuuabhela Jihova?

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 23:27

Maji o mbeji iene ia kasambuadiʼoio, mu kizuua kiê kia kuinhi, kiene-phe kikala kizuua kia kiamenga; mu kala ni kionge kikôla, anga mu jila; mu bhana-phe ujitu ua kubhakula ni tuíbhia kua Jihova.

Ijila 23:32

I mi kale sabhalu ia kunhohena; bhene-phe kiá bhu mu di huhila o mienhu ienu; muandekela mu ngoloxi ia kizuua kia kávua ku mbeji ienhoio anga mu zubhila mu ngoloxi iamukuâ iakaiela-ku, sabhalu ienu muà i imununa muene.

Dialuilu 29:7

Kizuua-phe kia kakuinhi, kia mbeji ienhiʼii ia kasambuadi, mu kala ue ni kionge kikôla; mu tatesa mienhu ienu; ki mu bhange kikalakalu kioso-kioso;

Dialuilu 30:12

Muadi uê-phe hé ua i selula, kizuua kia ivua, ioso ia mu tundu ku mizumbu, ia jihasa, mba ia kikutu kia kukuta o muenhu uê, ki i kuata dingi; mukonda muadi uê ua i selula; Jihova phe u mu loloka-kiu.

Dialuilu 30:14

Muadi uê-phe se ua di xibhé ku tunda kizuua kuiza kizuua, jihasa jê mba ikutu ioso ia mu kala ku thandu diê, ua i kuatesa muene; ua i kuatesa mukonda kizuua kia ivu ua di xibhé, ka mu kidika.

I Kolindo 11:3

Maji nga mesena-phe mu kʼ ijiia kuma o diiala dioso, ua mu kala ku pholo Kristu; o muhatu, ua mu kala ku pholo o diiala; o Kristu, ua mu kala ku pholo Nzambi.

I Kolindo 11:9

Mukonda o diiala ki muene a mu bhangela o muhatu, maji muhatu a mu bhangela o diiala.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.