Dialuilu 3:8 - O Mikanda Ikola

⁸ A kale ni muanu ua kulangidila o itutu ioso ia balaka ia kutakanena, ene a langidila anʼa Izalaiele, mu ku bhanga kikalakalu kia balaka.

Dialuilu 3:8 ပူးပေါင်းရင်းမြစ်များ

I Malunda 23:27

Mukonda, kala kiatokala mu kizuelu kia sukidila-ku kia Davidi, o ana a Levi a aluile phala ku a kuata o konda tunde mu makuinhi aiadi a mivu katé dingi ku pholo.

II Malunda 29:11

Kiki-phe, enu mu anʼami, ki mu kale ni kaxixi mba usudi; mbata Jihova ua mi sola, nda mu kale bhu pholo iê mu ku mu xibhidila, ni mu kale mu akunjiʼê, muie ni kuoha o uasu ua dizumba.

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Dialuilu 10:17

Balaka anga a i sokomona; anʼa Ngelexone ni anʼa Meladi, akua ku i ambata, a i zangula, hé a katuka.

Dialuilu 10:21

Bhenhobho, anʼa Kohate ambata imbamba ia dibhezelu, a suluka; a tuamena ni balaka, o iá, mu kutula, a sanga a i imika kiá.

Dialuilu 3:7

Aie ni ku mu langidila muene, a langidile ue kilômbo kioso, bhu kanga dia balaka ia kutakanena, ende ni kubhanga kikalakalu kioso kia balaka.

Dialuilu 3:9

Jilevita kifua ua bhana kua Alá, ni ku anʼê; Ene a di tungula mu anʼa Izalaiele mu ku a bhana kua muene.

Dialuilu 31:30

O ku mbandu ia anʼa Izalaiele u katula-ku muenhu umoxi mu makuinhi atanu a mienhu, ni ku athu, ni ku jingombe, ni ku jibulu, ni ku ilunga, kifua ku ibhaku ioso, anga mu i bhana Jilevita ene mu langa balaka ia Jihova.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:28

Kiene kikalakalu kia mabhata ma anʼa Ngelexone mu balaka ia kutakanena; u a kala ku pholo ni ku a tambula konda muene Itamale dia Alá, o nganga.

Dialuilu 4:33

Kiene o kikalakalu kia mabhata ma anʼa Meladi ku balaka ia kutakanena, u a kala ku pholo ni ku a tambula konda muene Itamale dia Alá, o nganga.