Dialuilu 3:41 - O Mikanda Ikola

⁴¹ Eme-phe u ngi kuatela Jilevita, eme ngi Jihova, a kale ami bhu kididi kia ana a phande-kumbi oso mu Izalaiele; ni ibhaku ia Jilevita i kale iami bhu kididi kia anʼa ibhaku oso a dianga ku a vuala mu Izalaiele ioso.

Dialuilu 3:41 ပူးပေါင်းရင်းမြစ်များ

Dialuilu 18:15

Kioso ki jikula o divumu, ku xitu ioso ia bheka kua Jihova, kixi ia athu kixi ia ibhaku, i kala ié; maji, o jiphande-kumbi ja athu ua kà ji kula; o jiphande-kumbi ue ja ibhaku ia iibha ua kà ji kula.

Dialuilu 3:12

Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;

Dialuilu 3:13

kuma ana oso a phande-kumbi a di bhange ami-eme; tundé kizuua ki nga beta ana oso a phande-kumbi mʼoxi ia Ijitu, nga di lumbila ana oso a pande-kumbi mua Izalaiele, ni ku athu ni ku ibhaku; a di bhange kiá ami-eme, eme ngi Jihova.

Dialuilu 3:42

Mozé anga u soneka kala kia tumu Jihova, ana oso a phande-kumbi ku ana oso a Izalaiele.

Dialuilu 3:45

Kuata Jilevita bhu kididi kia ana a phande-kumbi mu anʼa Izalaiele oso, ni ibhaku ia Jilevita bhu kididi kia ibhaku ia ene; Jilevita-phe a kale ami, eme ngi Jihova.

Dialuilu 8:16

A ngi bhakuila-nâ kuala anʼa Izalaiele ni akuâ, bhu kididi kia ana oso a jikula divumu, bhu kididi kia ana oso a phande-kumbi; kiene muene ki nga a tambuila.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.