Dialuilu 3:40 - O Mikanda Ikola

⁴⁰ Jihova anga u ambela Mozé, uixi: Alula ana oso a phande-kumbi a mala mu Izalaiele, tundé iú uala mu mbeji imoxi katé ku makota, u kuate dialuilu dia majina mâ.

Dialuilu 3:40 ပူးပေါင်းရင်းမြစ်များ

Jisálamu 87:6

Jihova kia-nda ku a kuata o konda, muene kia-nda kusoneka akua madiembu moso, u ta muene kuma; Iú ue ku Ziione kuene ku bhata kua mu vualela. (Selah.)

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Dialuilu 3:12

Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;

Dialuilu 3:15

Alulenu anʼa Levi, ku mabhata ma jitata jâ ni mu kuvuadiua kuâ; anʼoso a mala tundé iú uala ngó mu mbeji imoxi katé ku ukota, u a xinda.

Dialuilu 3:41

Eme-phe u ngi kuatela Jilevita, eme ngi Jihova, a kale ami bhu kididi kia ana a phande-kumbi oso mu Izalaiele; ni ibhaku ia Jilevita i kale iami bhu kididi kia anʼa ibhaku oso a dianga ku a vuala mu Izalaiele ioso.

Dialuilu 3:45

Kuata Jilevita bhu kididi kia ana a phande-kumbi mu anʼa Izalaiele oso, ni ibhaku ia Jilevita bhu kididi kia ibhaku ia ene; Jilevita-phe a kale ami, eme ngi Jihova.

Luka 10:20

Maji-phe kana kusangulukila o madimonho ma mi tolokela; inda mu sangulukila o majina menu kuma a ma soneka ku diulu.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.