Dialuilu 3:13 - O Mikanda Ikola

¹³ kuma ana oso a phande-kumbi a di bhange ami-eme; tundé kizuua ki nga beta ana oso a phande-kumbi mʼoxi ia Ijitu, nga di lumbila ana oso a pande-kumbi mua Izalaiele, ni ku athu ni ku ibhaku; a di bhange kiá ami-eme, eme ngi Jihova.

Dialuilu 3:13 ပူးပေါင်းရင်းမြစ်များ

Nehemiia 10:36

ni jithungunu jetu ja mala, ni ja ibhaku ietu, tu bhanga kala ki a ki soneka mu kitumu; ni kuila o ʼthungunu jetu, ni ja ʼmbudi jetu, tu ji bheka mʼonzo ia Nzambi ietu, ku jinganga, ene mu bhanga o ukunji mʼonzo ia Nzambi ietu.

Makatukilu 13:12

Kienhókio mua ká lumbila Jihova oso a tuama kujikula o divumu, ni anʼ oso a ibhaku a tuama ku a vuala, jindumbe ji kala jangene ja Jihova.

Makatukilu 13:15

Mukonda o mu kuiza ku ki bhanga, kia thathamana Falaó, iú ua di tunuʼê ku tu eha, Jihova ua jibha ana oso a phande-kumbi mʼoxi ia Ijitu, ni ku anʼathu, ni ku anʼa ibhaku; kiene kia ngi bhangesa kuila ana oso a tuama kujikula o divumu, ngʼa a lumbila Jihova, se jimdumbe; o anʼa phande-kumbi ku athu-phe, ngʼa a kula.

Makatukilu 13:2

Ngi lumbile ana oso a phande-kumbi, oso a tuama kujikula divumu mu anʼa Izalaiele, a kale athu, a kale ibhaku; kuma ami.

Makatukilu 22:29

Kana kukokoloka mu kulumba ku idima ié ia dianga ni ku izunzu ié i u zunza mu matangi ma kukama jiúva. Anʼé a mala, a phande-kumbi, u ngi lumbila-nâ eme.

Makatukilu 34:19

Ima ioso i tuama kujikula divumu, iami eme; ni ibhaku, se ndumbe, ioso i tuama kujikula divumu iami, né ngombe mba mbudi;

Izekiiele 44:30

Ni ibundu ioso kiá ia mutômo, ku ibundu ienu ioso ia dianga ku mbutu joso, ni maujitu oso ku maujituʼenu, a kala a ngene a jinganga; kumoxi ue ni makènde enu a dianga, mu bhana-ku jinganga; mbé a bhangese o kizediuise kubutama ku thandu dia dibhata dié.

Ijila 27:26

Maji ki bhu kale muthu ulumbila phande-kumbi ia kibhaku kua Jihova, mukonda mona uoso ua kibhaku ujikula divumu dia mamʼâ, ió uangene kiá ua Jihova; né ngombe, né hombo mba mbudi, ioio iangene kiá ia Jihova.

Dialuilu 18:15

Kioso ki jikula o divumu, ku xitu ioso ia bheka kua Jihova, kixi ia athu kixi ia ibhaku, i kala ié; maji, o jiphande-kumbi ja athu ua kà ji kula; o jiphande-kumbi ue ja ibhaku ia iibha ua kà ji kula.

Dialuilu 18:6

Tala-ze, kuma eme nga katula o jiphange jenu, o jilevita, muʼaxaxe ka ana a Izalaiele; iá a mi bhana-u enu, mu ujitu, kuala Jihova, nʼende ni kubhanga o kikalakalu kia ukunji ua balaka ia kutakanena.

Dialuilu 3:41

Eme-phe u ngi kuatela Jilevita, eme ngi Jihova, a kale ami bhu kididi kia ana a phande-kumbi oso mu Izalaiele; ni ibhaku ia Jilevita i kale iami bhu kididi kia anʼa ibhaku oso a dianga ku a vuala mu Izalaiele ioso.

Dialuilu 33:4

kioso akua Ijitu kiala mu funda anʼa phande-kumbi a a beta kuala Jihova mu kaẋi kâ; katé ni jinzambi jâ, Jihova ua ji elêsa.

Luka 2:23

Kala kia ki soneka mu Kitumu kia Ngana kuma, o Mona uoso u dianga kujikula divumu, u kala muthu uangene ua Ngana.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.