Dialuilu 28:11 - O Mikanda Ikola

¹¹ Ni mu kumateka jimbeji jenu, mu bhakula ue kua Jihova sata ia kuoha, tungombe tuiadi tua ndumbe, kilumbe kia mbudi, sambuadi dia tumbudi tua ndumbe, tua muvu umoxi, ki tu moneka dixaka;

Dialuilu 28:11 ပူးပေါင်းရင်းမြစ်များ

II Jisobha 4:23

Muene-phe, uixi: Eie u ila-hi lelu kua muene? Ki bhu mbeji ia thethama, ki bhu kumbi dia sabhalu. Muhetu-phe, uixi: Ki kʼidi kima. Ima ioso ialʼé muene kiambote.

I Malunda 23:31

Phala ue kubhakula jinga o ujitu ua jisata ja kuoha ua Jihova mu jisabhalu joso, ni mu jimbeji ja thethama, ni mu ionge ia ujitu, mu ku i alula, kala kiatokala mu ifua iê, izuua ioso bhu pholo ia Jihova.

II Malunda 2:3

Solomá hé u tumikisa njimbu kua Hilamu, sobha ia Tilu, kuila: Kala ki ua bhange kua tatʼetu Davidi, eie ua mu tumikisa jinga miẋi ia sédulu phala kutunga inzu mua kukala, kiene ue ki u ngi bhanga eme.

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

II Malunda 8:13

O kienʼiki hé u ki bhanga muene kala kia tokala mu izuua ioso, ni kubhakula kala kia tumu o kijila kia Mozé mu jisabhalu, ni bhu jimbeji ja thethama, ni mu jifesa, lutatu ku muvu: Bhu fesa ia jimbolo ja ususu, ni bhu fesa ia jisemana, ni bhu fesa ia jifundu.

Ejidala 3:5

Kia zubha iii, kuiza sata ia izuua ioso, ni jisata ja mbeji ia thethama, ni jifesa ja mukuá dingi ja lumbila jinga Jihova mu ithangana ioso ia tokala; kala dingi ue ió oso eza ni mibhaku iâ mu kubhakuila Jihova kala kia a tumu mixima iâ.

Nehemiia 10:33

mbé kusumba o jimbolo ja munôno, ni mubhaku ua musa kizuua ni kizuua, ni sata ia kuoha kizuua ni kizuua, ni sata ia jisabhalu, ni ia jimbeje ja thethama, ni ia izuua iangene, ni ima iòlumbile, ni ia jisata ja kiluuluilu kia ituxi, ni ja kuluulula Izalaiele ioso, ni kubhangesa kikalakalu kioso mʼonzo ia Nzambi ietu.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Jisálamu 81:4

Mbata kima kia lekelela mua Izalaiele, kijila kiangene kia Nzambi ia Jakobo.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Izekiiele 46:1

O Jihova Nzambi uambe kiki: O dibhitu dia lumbu lua moxi, dia talela ku mutundila-kumbi, mu di jika mu izuua isamanu, iene o izuua ia kukalakala; maji mu kizuua kia sabhalu a di jikula; o mu kizuua ue kia mbeji ia thethama a di jikula.

Izekiiele 46:6

Maji o mu kizuua kia mbeji ia thethama, ua kà bhana kangombe ka ndumbe, ka kambe o dibaka, ni tumbudi tusamanu ni kilumbe kimoxi; ene oso ka kala ni mabaka.

Izekiiele 46:7

Ua kà iudika ue o ujitu ua mákudia, efa imoxi phala o kangombe ni efa imoxi phala o kilumbe, maji ku tumbudi tuofele u bhana kioso kia tena kukuata o lukuaku luê; ni hine imoxi ia maji ku efa.

Hozeia 2:11

O kusanguluka kuê kuoso nganda ku ku bhuisa-ku, ni jifesa jê, ni mbeji jê ja thethama, ni jisabalu jê, ni mabhongolokelu mê moso ma izuua ia jifesa.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 1:9

Maji o midia-phe ni inama, u i sukula hanji ni menha. Nganga anga u i ohela ioso ku kalatódio, kuma sata ia kuoha, ujitu ua ku bhakula ni túbhia, ua dizumba diambote kua Jihova.

Amoji 3:5

Njila i fué ngó bhu mubhetu mu mavu ahatu, se o mubhetu ka u olekela? O mubhetu uzabuké ngó mu mavu, bhene ki bhua fu kima?

Amoji 8:5

Anga muamba, muixi: O mbeji ia thethama ia kà bhita kizuua kuẋi ni tu sumbise o jimbundu jetu ja tiliku? O sabhalu ue iza kithangana kiebhi, mbé tu jikule o inganja ietu ia tiliku, ni kutununa o kizongelu kia efa, tu vudise ku xikulu, tu bhange ungulungumba ni jipezu ja mangonha ja kufumba na-ju athu.

Dialuilu 10:10

Kizuua ue kia kusanguluka, ni izomba ienu ia mi xindi, ni ki thethama mbeji, mu xika ue jikoloneta ku thandu dia jisata jenu ja kuoha, ni jisata jenu ja matululuku; ji kale ja ku mi lembalesa Nzambi: Kuma eme Jihova Nzambi ienu.

Dialuilu 28:19

kikale-phe mu bhana ujitu ua kubhakula ni túbhia, sata ia kuoha i mu satela Jihova: Tungombe tuiadi tua ndumbe, kilumbe kimoxi kia mbudi, ni sambuadi dia tumbudi tua ndumbe, tua muvu umoxi, mu tu kuata tua kambe dixaka.

Ngalásia 4:10

Phala-hi dingi mua bhindamena kubhana ujitu ku izuua imoxi-mu, ni jimbeji, ni jithembu, ni mivu?

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.

Kolose 2:6

Uila kiki, kioso ki mua tambulula Ngana, Kristu Jezú, kiene ki muenda mua muène.

I Samuuele 20:5

Davidi anga u ambela Jonata, uixi: Mungu-ze mbeji ia thethama, eme ki nga tokala ngi fula kuxikama ni muenexi ku meza; ngi bhane-phe disesa, ngiie ngi suame mu iangu katé mu kizuua kia katatu mu ngoloxi.

I Samuuele 9:12

Anʼa ilumba a kumbulula, exi: Iú koko; uala ku pholo ienu kuenhoko; endelenu-ku, kuma lelu muene ua bhixila bhu bhata bhabha, mukonda akua bhata ala ni sata lelu ku thala kuná.