Dialuilu 28:1 - O Mikanda Ikola

¹ Jihova anga u ambela dingi Mozé, uixi:

Dialuilu 28:1 ပူးပေါင်းရင်းမြစ်များ

I Malunda 23:31

Phala ue kubhakula jinga o ujitu ua jisata ja kuoha ua Jihova mu jisabhalu joso, ni mu jimbeji ja thethama, ni mu ionge ia ujitu, mu ku i alula, kala kiatokala mu ifua iê, izuua ioso bhu pholo ia Jihova.

II Malunda 2:4

Talesa-phe, kuma, o dijina dia Jihova Nzambi iami ngala kiá phala ku di tungila inzu, i ngi mu lumbila, mbé o kuia ni ku muʼohela uasu ua dizumba bhu pholo iê, ni mbolo ia ku mu tela jinga izuua ioso, ni jisata ja kimene ni ngoloxi, ni mu jisabhalu, ni bhu jimbeji ja thethama, ni mu izokola ia Jihova Nzambi ietu; mbata Izalaiele kiene kia mu fuama kubhanga jinga katé ku hádia ni hádia.

II Malunda 23:18

O ima ia tokala kubhanga, mʼonzo ia Jihova, Joiada ua i te mu ididi iê, bhoxi dia lukuaku lua jinganga, o jilevita, a a solele kuala Davidi phala ukunji ua inzu ia Jihova, nʼende ni ku bhana o maujitu ma kubhakula ni túbhia kua Jihova, ni kusanguluka ni kuimba, kala kia ki soneka mu kitumu kia Mozé kala kia ki longo ue Davidi.

II Malunda 31:3

Ku jimbongo ja sobha ue ua xindi-ku mbandu phala o jisata ja kuoha, mbé o jisata ja kuoha mu kimene ni mu ngoloxi, ni jisata ja kuoha mu jisabhalu, ni bhu mbeji ia thethama, ni bhu izokola, kala kia ki soneka mu kitumu kia Jihova.

II Malunda 8:13

O kienʼiki hé u ki bhanga muene kala kia tokala mu izuua ioso, ni kubhakula kala kia tumu o kijila kia Mozé mu jisabhalu, ni bhu jimbeji ja thethama, ni mu jifesa, lutatu ku muvu: Bhu fesa ia jimbolo ja ususu, ni bhu fesa ia jisemana, ni bhu fesa ia jifundu.

Ejidala 6:9

Ki mu kambe ue ku a bhana ioso ia bhindamena ku kizuua ni kizuua: Tungombe ni tumbudi tua ndumbe ni ilumbe, phala o jisata kua Nzambi ia diulu; ni tidiku, ni môngua, ni vinhu, ni maji, ima ioso kiá i bhindamena jinganga jala mu Jeluzaleme.

Nehemiia 10:33

mbé kusumba o jimbolo ja munôno, ni mubhaku ua musa kizuua ni kizuua, ni sata ia kuoha kizuua ni kizuua, ni sata ia jisabhalu, ni ia jimbeje ja thethama, ni ia izuua iangene, ni ima iòlumbile, ni ia jisata ja kiluuluilu kia ituxi, ni ja kuluulula Izalaiele ioso, ni kubhangesa kikalakalu kioso mʼonzo ia Nzambi ietu.

Izaía 1:13

Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Izekiiele 44:24

O kioso ki bhu kala mvunda, ene ue bhene bha kala muene, mbé o ku i fundisa; a i fundixila mu mabatuilu mami; o itumu iami ni jingonge jami, mu ionge ioso i kôla, a kà i aiuka muene, o jisabhalu jami a kà ji kôlesa.

Izekiiele 45:17

O kilamba muene ua kà lunda o mibhaku ioso ia jisata ja kubhakula ni túbhia kua Jihova, ni mibhaku ia mákudia, ni ia mákunua, ni izokola ioso mu jimbeji ja thethama, ni mu jisabhalu, ni mu ionge ioso ia ujitu mu muiji ua Izalaiele; muene, muene u bhanga o kiamenga kia ituxi, ni kubhakula o ujitu ua mákudia, ni sata ia kubhakula ni túbhia kua Jihova, ni jisata ja uembu, mbé o kubhanga o kiamenga phala o dibhata dia Izalaiele.

Izekiiele 46:11

O bhu jifesa, ni bhu ionge ia ujitu, o ujitu ua mákudia ua kà kala efa imoxi ku kangombe ni efa imoxi ku kilumbe kia mbudi, maji ku tumbudi tuofele muthu u bhana kioso kia tena; o ku maji, hine imoxi phala efa imoxi.

Ijila 9:15

Anga u bhakula o ujitu ua kifuẋi, u kuata kisutu kia hombo kia sata ia kifuẋi ia kituxi, u ki jibha, u ki bhana mu sata ia kituxi, kala kia bhange kia dianga.

Dialuilu 27:23

anga u mu tula maku u mu tendelela, kala kia tumu Jihova kua Mozé.

Dialuilu 28:2

Tuma anʼa Izalaiele, ua a tangela, kuma: Ujitu uami, kúdia kuami kua jisata ja kuoha, ni dizumba diami diambote mu kala ni muanu ua ku ngi bhakuila-ju mu thembu ioso ia tokala.

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Ngalásia 4:10

Phala-hi dingi mua bhindamena kubhana ujitu ku izuua imoxi-mu, ni jimbeji, ni jithembu, ni mivu?

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.