Dialuilu 27:21 - O Mikanda Ikola

²¹ Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Dialuilu 27:21 ပူးပေါင်းရင်းမြစ်များ

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

Ejidala 2:63

Nguvulu anga u a tangela kuila kʼadie ku ima iolumbile Nzambi, katé ki ku moneka nganga u kala ni Udimi ni Tumimi.

Nehemiia 7:65

Anga o nguvulu u a kidika uixi kʼadie ku ima iòlumbe, a kinge muene katé ki kumoneka o nganga utena kuibhula kua Jihova Nzambi ni Udime ni Tumime.

Makatukilu 28:30

O moxi dia muxila ua kuzambuila u ta-mu ue Udimi ni Tumimi, i kale bhu thulu ia Alá kioso kia kà bokona kua Jihova; Alá kifua uambata jinga bhu thulu iê mu thembu joso o hasa ia anʼa Izalaiele bhu pholo ia Jihova.

Ijila 8:8

U mu nhenga o kixita-thulu ku phetu: o mu kixita-thulu u ta-mu Udimi ni Tumimi.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Dialuilu 27:17

a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

Dialuilu 27:2

Anga emana bhu pholo ia Mozé, ni bhu pholo ia nganga Eleazale, ni bhu pholo ia ilamba ioso ia kilômbo, bhu muelu ua balaka ia kutakanena, hé a zuela, exi:

Dialuilu 27:20

Ku kijingu kié u katula-ku, u ta kua muene, phala kilômbo kioso kia anʼa Izalaiele a mu tumake.

Dialuilu 27:22

Mozé anga u bhanga kala kia mu tumu Jihova; u kuata Josuué, u mu bheka bhu pholo ia nganga Eleazale, ni bhu pholo ia kilômbo kioso;

Dialuilu 27:5

Mozé anga u bheka maka mâ bhu pholo ia Jihova.

Matendelelu 31:3

O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Matendelelu 33:8

Utanga Levi, uixi: O Tumimi ni Udimi ié, ikale iangene ia kazola ké. Uoso eie ua mu bhitixile ku polova bhu Masá, ió ua zokele-nê bhu menha ma Mediba.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.

Afundixi 1:1

Mu kukala-kukala, Josuué kia zubha kúfua, anʼa Izalaiele ebhula kua Jihova, exi: Nanhi u tu kalela ku pholo mu kubanda ku Makanana, ni kúlua-nâ?

Afundixi 20:18

Anʼa Izalaiele anga a balumuka, hé a banda aia bhu Betele, mù kuibhula phangu kua Nzambi, exi: Nanhi u tu tuamenena ku ita mu kúlua ni anʼa Bejamí? Jihova anga u zuela, uixi: Juda muene u tuamena.

Afundixi 20:23

Anʼa Izalaiele anga aia hanji mù dila bhu pholo ia Jihova, katé mu ngoloxi; anga ebhula kua Jihova, exi: O kiki tu vutuka dingi mu kúlua ni anʼa Bejamí, o phange jetu? Jihova uixi: Ndenu muene, mua kà a lue.

I Samuuele 14:19

Anga ki bhita kuila, kioso kiala kuzuela Saúlo ni nganga, kibulukutu bhu kibangu kia akua Fidíxia, kiala kuia ni ku di bandekeza. Saúlo anga u ambela nganga, uixi: Eie tunda-ku! Mukonda ki mua bhingi ngoho kuiza ni álaka.

I Samuuele 23:9

Davidi anga u kʼijiia kuma Saúlo uala ku mu kanena ku mu bhanga kiaiibha! Anga u ambela nganga Abiiatale, uixi: Beka kunu efodi.

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.

I Samuuele 30:7

Davidi anga u ambela nganga Abiiatale, monʼa Ahimeleke, uixi: Nga ku diondo, efodi ngi bhekele-iu kunu. Abiiatale anga u bheka efodi kua Davidi.