Mozé anga u ambela Josuué, uixi: Sola makuenze, nda uie u lue ni Amaleke; eme mungu ngʼimana bhu thala ia kalundu, ni mbangala ia Nzambi ngi i kuata bhu maku.
Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.
O Phaulu kia a tula o maku mê ku thandu, Nzumbi Ikôla ua a tulukila ene oso. Anga a kuata kutanga madimi mengi, hé a kala ue ni uanji ua kulombolola o Maka ma Nzambi.
Tungulenu-phe, akuetu, mudienu, sambuadi dia muthu, oso a a tumbula kuala akuâ, ezala ni Nzumbi Ikôla, ni unjimu, phala tu a bhane o kutambula konda ia sedivisu iii.
Mu thembu ienhoio nga tendelela ue Josuué, ngixi: O mesu mé ma ki mono kiá, kioso kia bhange Jihova Nzambi ienu, ku jisobha jiiadiʼiji; Jihova ua kà bhanga ue kienhiki ku mautuminu moso, ku mua kà bhita.
Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.
Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.
O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.
Josuué, monʼa Nune-phe, anga uizala ni Nzumbi ia unjimu, kuma Mozé ua tudile maku mê ku thandu diê; kienhókio anʼa Izalaiele akuata ku mu ivua kia zuela, anga a bhanga kala kia xindi Jihova kua Mozé.
Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.
Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.
Nzambi ia Jihova u tula kua Jefete, muene anga u bhita mu Ngiliiade ni mu Manasa, u bhita mu Mixipa ia Ngiliiade, o kutunda bhu Mixipa ia Ngiliiade, u sambuka kua anʼa Amone.
Nzumbi ia Jihova anga iiza ku thandu diê, u kala mu fundisa Izalaiele; anga u tunda mu kúlua ita, Jihova anga u bhakula Kuxane-Lesataime, sobha ia Sídia, bhu lukuaku luê; lukuaku luê anga lu lenda o kutolola Kuxane-Lesataime.
Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.