Dialuilu 27:17 - O Mikanda Ikola

¹⁷ a a kale ku pholo mu kutunda ni mu kubokona, a a songuele mu njila, a a bhiẋidise kididi, mbebhu kilômbo kiangene kia Jihova ki ki kale kala jimbudi ja kambe mubidi.

Dialuilu 27:17 ပူးပေါင်းရင်းမြစ်များ

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

I Jisobha 22:17

Bhenhobho muene, uixi: Izalaiele ioso nga mu mono ua di muangena mu milundu, kala jimbudi ja kambe kabhila; anga Jihova u zuela, uixi: Athu iá kʼala ni ngana iâ; a vutuke ni uembu, muthu ni muthu aie mʼonzo iê.

I Jisobha 3:7

Kiki-phe, u Jihova, Nzambi iami, ua ngi bhange eme ngi mulekiʼé, kukala sobha bhu kididi kia tatʼetu Davidi; eme-phe hanji ngi monʼauisu; ki ngejiia luua kioso ki ngi tunda, ni kioso ki ngi bokona.

II Jisobha 11:8

O sobha mua kà mu kondoloka, muthu ni muthu ni mata mê bhu maku; o uoso u bokona mu mikalatata ienu a kà mu jibha; enu-phe mua kà kala ni sobha kioso kia tunda ni kioso kia bokona.

II Malunda 1:10

Ngi bhane-phe kindala o kuijiia ni unjimu, mbé ngi tene kutunda ni kubokona, mu kaẋi ka mundu iú; mbata nanhi muene u tena kufundisa mundu ua vulu kiki?

II Malunda 18:16

Muene-phe uixi: Nga mono Izalaiele ioso ia di muangena mu milundu kala jimbudi ja kambe kabhila; Jihova iú uambe: Iá kala ni ngana iâ; kala muthu a vutuke monzo iê ni kutululuka.

Izekiiele 34:5

Kienhiki ji ja muangana, mukonda dia kukamba o kabhila, ji ja xalèla kiá kudia kua ngene kua iama ioso ia mukáu, kuma ja di muange kiá.

Zakadiia 10:2

Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 10:6

Kikale-phe muia ku jimbudi ja jimbidila ja dibhata dia Izalaiele.

Matesu 15:24

Muène-phe u kumbulula, uixi: Eme a ngi tumu ngó ku jimbudi ja jimbidila ja dibhata dia Izalaiele.

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Marku 6:34

Muene kia zubha kutomboka, u sanga kifuẋi kia dikota, anga u a kuatela henda, kuma edi kala jimbudi ja kambe mubidi. Anga u kuata ku a longa ima iavulu.

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

Matendelelu 31:2

uixi: Lelu nga tenesa kiá hamʼa mivu ni makuinhi aiadi. Ki nga-nda kutena dingi kuila ngi tunda ngi bokona. Katu-ku dia kienhiki, Jihova muene ue ua ngʼedi, uixi: Njolodá ku tenʼê ku mu zaúka dingi.

I Phetele 2:25

Kuma enu mua jimbidile kala mu jimbudi ja jimbila o njila. Maji kiki-phe a mi vutula dingi mu bhongolokela kukaiela o Mubidi, Muingi ua mienhu ienu.

I Samuuele 18:13

Kienhiki Saúlo ua katula Davidi mu mbèle iê, anga u mu bhanga kabhitangu ka kutumina midi ia muthu; anga u kala mu tunda, u kala mu bokona bhu pholo ia mundu.

I Samuuele 8:20

phala tu sokele ni akua jixi jamukuá, sobha ietu nʼa kale mu tu fundisa, a tu kale ue ku pholo, a tu bhângele mu ita.