Dialuilu 26:5 - O Mikanda Ikola

⁵ Lubene, muene phande-kumbi ia Izalaiele; anʼa Lubene a mala Hanoko ua bhanga dibhata dia akua Hanoko; Palu ua bhanga dibhata dia akua Palu;

Dialuilu 26:5 ပူးပေါင်းရင်းမြစ်များ

Dimatekenu 29:32

Liia anga uimita, u vuala monʼa diiala, u mu luka Lubene: kuma uambe, uixi: Jihova ua ngi suu mu kusebuluka kuami; kiki munumʼiami ua-nda ku ngi zola.

Dimatekenu 35:22

Anga ki bhita-phe kuila, kioso Izalaiele kia tungu hanji mʼoxi muenhomo, Lubene uia u zeka ni Bila, mukamʼa phaiʼâ; Izalaiele anga u kʼivua. O anʼa Jakobo-phe a mala a kala kuinhi dia muthu ni kiiadi;

Dimatekenu 35:23

O anʼa Liia: Lubene, thungunu ia Jakobo, Ximinhá ni Levi ni Juda, ni Isakale, ni Nzebulone;

I Malunda 5:1

O ku ana a Lubene, o phandekumbi ia Izalaiele, mukonda muene ua kexile phande-kumbi, maji mukonda dia ku katula o ujitu ua hama ia tata iê, iú ua i fukuila, uphande-kumbi uê a u bhana ana a Zuze, mona Izalaiele. Maji o Zuze ka mu soneka mu divulu dia Ingo-ia-Vumo kuila muene phandekumbi.

I Malunda 5:3

Ana-phe a Lubene phande-kumbi ia Izalaiele enhá: Hanoko, ni Palu, ni Hezelone ni Kálumi.

Makatukilu 6:14

Enʼiá ene ala ku pholo mu mabhata a jitata jâ. Anʼa Lubene a mala, muene monʼa Izalaiele ua phande-kumbi: Hanoke ni Palu, Hezelone ni Karmi; ene o mabhata ma Lubene.

Dialuilu 1:20

Anʼa Lubene, monʼa Izalaiele ua phande-kumbi, miji iâ, mu kuvuadiua kuâ ni mabhata ma jitata jâ, ku majina-majina, ku a alula ku mútue-mútue, mala a bhiẋila mu makuinhi aiadi a muvu, mba a somboka-mu kiá, makuenze oso a tena kuia ku ita,

Dialuilu 26:4

Alulenu kifuẋi, ala mu makuinhi aiadi a muvu, mba kua di te; kala kia tumu Jihova kua Mozé, ni ku anʼa Izalaiele, a tundu mʼoxi ia Ijitu.

Dialuilu 26:6

Hezelone ua bhanga dibhata dia akua Hezelone; Kami ua bhanga dibhata dia akua Kami.