Dialuilu 26:10 - O Mikanda Ikola

¹⁰ mavu anga a jikuka, a a minha kumoxi ni Kola, kiafu kibuka kiókio; thembu iene imoxi kia bhi ku túbhia hama jiiadi ja mala ni makuinhi atanu, anga a di bhanga kijimbuete.

Dialuilu 26:10 ပူးပေါင်းရင်းမြစ်များ

Makatukilu 16:35

Anʼa Izalaiele anga a dia maná mu makuinhi auana a muvu, katé kia bhiẋila ku ixi ia tungu athu; iá a dia jinga o maná katé kieza mu jimbámbe ja ixi ia Kanana.

Jelemiia 29:22

Phala enhoso ai ku ubhika a tundu mua Juda iá ai ku Babilonha, a katuile-ku mázui, kiela: Jihova a ku bhange kala kia Zedekiia ni kia Ahabe a a zuzile ku túbhia kuala sobha ia Babilonha.

Izekiiele 14:8

O pholo iami nga kà i ta mu kulungulukila o muthu muenhó, anga ngi mu bhanga kidiuanu, u kala muene kijimbuete ni Sabhu, o muʼaxaxe ka athuʼami ngi mu vuza-mu; nda mu kʼijiie kuila eme ngi Ngana.

Dialuilu 16:2

hé a balumuka bhu pholo ia Mozé ni hama jiiadi ni makuinhi atanu a muthu ku anʼa Izalaiele, adiakime a kionge, a a tumbula bhu dibhongolokelu, athu a majina muene.

Dialuilu 16:38

o ku iomuenu ia ió a te o kituxi ku mienhu iâ-ène, ioso a i bhange izalelu ia kuzala ku thanduʼa kalatódio; kuma iòbheke bhu pholo ia Jihova; mu kienhiki-phe, ikôla kiá; ia kà kala kijimbuete ku anʼa Izalaiele.

Dialuilu 17:3

Maji o dijina dia Alá u di soneka ku mbangala ia Levi; mukonda kala mútue ua dibhata dia jitata jê, u kala ni mbangala iê.

Dialuilu 27:3

Tatʼetu ua fuila mu kikangalakata; ka di bandele-phe kua ió a bhukumukina Jihova, o kibuka kia Kola; ua di fuila ngó ni ituxi iê muene; ka xi monʼa diiala.

Matendelelu 11:6

ni kioso kia bhange kua Datane ni Abilame, anʼa Eliiaba, monʼa Lubene, kioso kia bhanene oxi mu kanu, anga i a minha, ni ene ni mabhata mâ, ni jibalaka jâ, ni ioso i akexe na-iu ia a tokalele ene muʼaxaxe ka Izalaiele ioso;

Matendelelu 28:46

Momué ni mu mbutu ié i ku kaiela, ki mua kà bhua dingi o uíndua ni kuxixima; kia kà di bhanga kianu ku mbutu ié katé ku hádia ni hádia.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

I Samuuele 2:34

Kijimbuete kiki kia ku idikiza, kia-nda kuiza ku thandu dia anʼé aiadi Hofini ni Finehase; a kà fuila kizuua kimoxi ene oso kiiadi kiâ.