Dialuilu 25:6 - O Mikanda Ikola

⁶ Bhenhobho, bhu kala muthu ku anʼa Izalaiele, u bheka muʼaxaxi ka jiphange jê, muhatu mukua Midiiane, ku mesu muene a Mozé ni ku mesu a kilômbo kioso kia anʼa Izalaiele, kioso kiala kudila bhu muelu ua balaka ia kutakanena.

Dialuilu 25:6 ပူးပေါင်းရင်းမြစ်များ

Dimatekenu 37:28

Bhenhobho, o jingenji, akua Midiiana, anga a kala mu bhita; ene anga a sunga Zuze, a mu katula mu dikungu, Zuze anga a mu sumbisa ku akua Ijimaiele mu makuinhi aiadi a itadi ia phalata. Enhá anga Zuze a mu ambata, a mu bheka mu Ijito.

I Jisobha 11:18

Anga a katuka bhu Midiiane, hé eza bhu Palane. O bhenhobho anga ambata-bhu akua Palane amoxi-mu, anga a bhixila mu Ijito kua Falaó, sobha ia Ijito. Muene hé u bhana inzo kua Hadade, anga u mu bhana kizuelu kia ku mu bhana jinga kúdia, hé u mu bhana ue ni mikau.

Jisálamu 94:16

Nanhi muene u ngi bhângela kua ió akua phulu? nanhi u ngi banda mu kudituna kubhanga kiaiibha?

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 36:23

Anga ki bhita kuila Jehudi kia tange-ku kiá mafe a tatu mba a uana a malanda, sobha u katula nivete ia musoneki anga u batula na-iu o dilanda anga u di vubula mu túbhia tuala bhu kienga kia makala katé ʼIanda dioso ki dia jokota mu túbhia tua kexile bhu kienga.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Dialuilu 16:47

Alá anga u zangula o kiómuenu, kala kia mu tangela Mozé, hé uia ni lusolo mu kaẋi ka kilômbo; tala, o dibhebhu-phe diandeka kiá muʼaxaxe ka mundu; hé u takuila-bhu o uasu ua dizumba, anga u bhanga o kiamenga phala o ituxi ia mundu.

Dialuilu 22:4

Mouabhe anga u ambela makota ma Midiiane, uixi: Mua-nda kumona, kilômbo kiosuʼiki a-nda kulesa mu jimbandu jetu, kala ngombe ki i lesa iangu ku mukáu. Balake monʼa Zipolo muene sobha ia Mouabhe izuua ienhoio.

Dialuilu 31:2

Vutula phonzo ia anʼa Izalaiele kua akua Midiiane; o ki u zubha ku ki bhanga, a ku bhongolola kuàia malembʼé.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Afundixi 2:4

Kia zubha mukunji ua Jihova kuzuela makʼama kua ana oso a Izalaiele, mundu uoso uta nzôngo, a suina dízui ni kudila.