Dialuilu 25:4 - O Mikanda Ikola

⁴ Jihova anga u ambela Mozé, uixi: Kuata Makota oso ku kifuẋi, a bhange kiki, u a nhenge bhu pholo ia Jihova, mu muanha uatu, phala njinda iavulu ia Jihova i ile kuengi.

Dialuilu 25:4 ပူးပေါင်းရင်းမြစ်များ

II Samuuele 21:6

Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

II Samuuele 21:9

Anga u a bhakula bhu maku ma akua Ngibiione, ene anga a a nhenga mu mulundu bhu pholo ia Jihova, anga a jima mbutu sambuadi diâ kumoxi. Enhá a a jibha mu izuua ia kumuna, mu izuua iadianga bhu kumatekena kumuna sevada.

Jisálamu 106:29

Mu kienhiki, a mu kuatesa njinda ni imbamba iâ ioso ia bhange; katé kueza dingi kibuika kia dibhebhu muʼaxaxi kâ.

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Dialuilu 25:11

Finehase, monʼa Eleazale, monʼa nganga Alá, muene uebhesa njinda iami iandekela kukuata Izalaiele, kuma kituxi muʼaxaxi kenu kia mu iibhila kala eme ki kia ngi iibhila, kiene kia ngi fudisa kubuikisa anʼa Izalaiele, kuma kia ngi iibhila kiavulu kia bhange.

Dialuilu 25:18

kuma ene a mi tatesa ni midiangu iâ ia mi tobhesa na-iu mu mulonga ua Peole, ni mu mulonga ue ua Kosbi, monʼa kilamba kia Midiiane, phange iâ ia muhatu, a mu jibhile kizuua kia kibuika mu mulonga ua Peole.

Matendelelu 13:11

Bhanga-kiu muene, nda Izalaiele ioso a kʼivue, a kale ni uoma, mbé kʼalukile kubhanga kisunji kala kiki mudienu.

Matendelelu 13:13

kuila o muenhomo muala iiala anʼa Kadiaphemba, a mi tokala enu-enu, o enhá hé a funhisa akuâ, exi: Tuienu, tu bheze jinzambi jengi, o jene ki mua jʼijidile;

Matendelelu 13:15

athu oso atungu bhu sanzala ioio mu a bhitisa ku maju a xibhata, ene oso muene mu a buikisa katé ni ibhaku iâ, ni ima ioso iala na-iu.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 21:22

O kioso ki bhu kala muthu uate mulonga u bhinga Sendesa ia kalunga, exi afue anga a mu nhenga ku muẋi,

Matendelelu 21:23

o kimbi kiê ki ki xialele bhulu dia muẋi, kana; kale lelu muene mu ki funda; mbata uoso a mu nhenga ku muẋi a mu te mázui kua Jihova; kala kiki, eie ku mu nangese ku kimoxi, phala oxi ié ki i tambule lufuku, oxi ia ku bhana Jihova Nzambi ié.

Matendelelu 4:3

Mesu menu ma di muena kioso kia bhange Nzambi kua Bale-piiole; ni kioso Jihova Nzambi ienu kia jimi o mbutu kua ió oso a kexile muʼaxaxe kenu, mu kaiela Bale-piiole.

Josuué 22:17

Kifuá kituxi kiatolo ki tua te bhu Peiole kia bhingi katé leluʼidi hanji tua xidi-na-kiu sumbala bhua bhitile kiá kaxitiku muʼaxaxi ka kionge kia Jihova.

Josuué 23:2

Josuué anga uixana Izalaiele ioso, ni ikulakaji iâ, ni ilôlo iâ, ni afundixi, ni jifixiiadi, anga ua ambela, uixi: Eme nga kuka, o izuua ii i ngi-bhua kiá.