Dialuilu 25:2 - O Mikanda Ikola

² kuma a exana ku jisata ja mahamba mâ; kifuẋi anga a dia, a fukamena nzambi jâ.

Dialuilu 25:2 ပူးပေါင်းရင်းမြစ်များ

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

Jisálamu 106:28

Anga aia dingi mu ku di ta kua Bahale-Piiole; hé a dia o jisata ja satela o iteka iafu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 22:20

Uoso u satela nzambi iengi, ki kua Jihova, kana, ió muthu ua ku mu jibha muene.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Jelemiia 40:11

Kiene kimoxi ue ni jijudé joso a kexile ku Mouabhe, ni mu kaxi ka anʼa Amone, ni ku Idomo, ni iá a kexile mu jixi joso jenhojo, kievu kuila sobha ia Babilonha ua xisa-ku o masubhu mua Juda, iú ua a tela-ku Jedaliia, monʼa Haikane, monʼa Safane, ku ungana ua kutumina,

Hozeia 9:10

Izalaiele nga mu tuuama kala isaka ia ji-uva mu mikáu ia kukuta, o jitata jenu ki nga a muene, edile kala ibundu ia sambatende ku mufiku ua kindala; maji ene-phe a lengela kua Baale-piiole, ia a di kasanesa ni mahamba a kuatesa jisonhi javulu, ene uâ ia a kasana kiá kala o dihamba diene dia a uabhelele ene.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

I Kolindo 10:20

Ki kiene ki ngambe! Maji ngambe kuma imʼ oio iene mú sata o matumbu, a i satela madimonho, ka i satela Nzambi. Eme-phe ki ngi mi mesena mu kala mu kisangela ni madimonho.

Matendelelu 32:38

O jinzambi ja kexe kúdia o banha ia jisata jâ janete, ni kúnua o jinganza jâ ja vinhu ia a tela jinga ku izau? Ji balumuke-phe phala ji mi kuatekese, nda mu kale ni bhua ku kondamena.

Josuué 22:17

Kifuá kituxi kiatolo ki tua te bhu Peiole kia bhingi katé leluʼidi hanji tua xidi-na-kiu sumbala bhua bhitile kiá kaxitiku muʼaxaxi ka kionge kia Jihova.

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

Josuué 23:7

mbé ki mu kuate ku di fungisa ni ifuẋi iii ia mi xikamena hanji. Kana kuila jinga o majina a mahamba mâ enu mu a tumbula, mba muenda ni kulokela mu mahamba enhá. Ene kana, kana ku a bhikila, kana ku a fukamena ni ku a bheza.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.