Dialuilu 25:12 - O Mikanda Ikola

¹² Kala kiki, u mu ambela; Nga bangana-nê kikutu kia uembu;

Dialuilu 25:12 ပူးပေါင်းရင်းမြစ်များ

Jisálamu 106:30

Bhenhobho bhua zanguka Finehase, anga u kumbidila o kidi; kibuika anga ki sukama, ki bhua-ku muene.

Jisálamu 106:31

Anga a mu lungisa, exi ua kumbidila muene, hé u xala ni kikutu kia unganga unangenena.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Malakiia 2:8

Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 13:29

Akua-Maleke a tungu ku Sulu; Mahiti, ni Majebuzé, ni akua Amone, a tungu mu milundu; akua Kanana a tungu ku mbanduʼa kalunga, ni mu honga ia Njolodá.