Dialuilu 24:9 - O Mikanda Ikola

⁹ Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Dialuilu 24:9 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Dimatekenu 49:9

Eie Juda u munzangala ua hoji; monʼami, kumbi kuẋi dia kʼèza ni mbole iê? U zomba hé u butama kala ndumbe ia hoji mu kisasa, kala mama a hoji; nanhi muene u teza ku mu balumuna?

I Jisobha 10:20

Kuinhi dia hoji ni jiiadi ja kexile ue kuenhoko ku matala asamanu a maxikata, ku mbandu hoji jisamanu ku mbandu hoji jisamanu. Nuka a bhangele-ku ufunu ua difu kiki mu maungana oso.

II Malunda 9:18

O kiandu hé ki kala ni disambelelu dia matala a samanu ni kibaka kia ulu, kia naminina ku kiandu kuene, ni maxamenenu ku mbandu jene kiiadi kiâ bhu kididi kia kuxikama; hoji jiiadi ji kala bheneʼobho bhu maxamenenu.

Estere 6:13

Hamane anga u ki kunda mukajiʼê Zelexe, ni makamba mê, kioso ki kia mu bhiti. Adiakimi-phe ala ku mu longesa, ni mukajiʼê Zelexe, a mu ambela, exi: Moledekai muenhú, uandeka kiá ku ku tunda, se ua tokala ku mbutu ia jijudé kua-nda ku mu tena dingi, ua-nda ku ku bhana muene kibhalu.

Jobe 41:10

Kana-ku muthu ua di kake u fikisa ku i tonesa. Nanhi-phe muenʼió u tena kuzangumuka bhu pholo iami?

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Makatukilu 23:22

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Izaía 31:4

Mbata Jihova kiene kia ngʼambelʼiki, uixi: Kala hoji ni monʼa hoji kia zulumina kulu dia mbole iê ia kuata, né-phe kiá a mu bhongolokela kuala kilunga kia abidi, mázui mâ ki ma mu titidisa ni kima; o kuvula kuâ ki ku mu kuata uoma: Kiene ue Jihova dia Ilombo Ieta ua kà tuluka mu zokela mulundu ua Ziione, ni kathuthu-lundu kê.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Dialuilu 22:12

Nzambi anga u ambela Balamu, uixi: Kana kuia-nâ; ni kituxi kiki kana ku a ta mázui; kuma ala ni kuzediua.

Dialuilu 22:6

Iza-phe, nga ku diondo, kituxi kiki u ngi tele-nâ mázui; kuma a ngi tundu mu nguzu; sumba ngʼa Ienda o ku a beta, ni ku a kaia mʼoxi; kuma ngejiia kuila eie uoso u mu zediuisa u kala ni kuzediua muene, uoso u mu ta mázui, mukua mázui muene.

Dialuilu 23:24

Kifuẋi kiê a balumuka kala mama ia hoji, mba, ndumbe ia hoji kia lundumuka; ka zeka ngó sé kudia mbole, anga u nua manhinga ma tunda ku isasu.

Dialuilu 24:10

Bhenhobho Balake njinda i mu kuata ia Balamu, u beta makanda a maku; Balake anga u ambela Balamu, uixi: Nga ku kolomona phala jinguma jami u ngi tele-nâ mázui; ua mono-phe, ua a te kizediuise kioso, mu lutatu luosʼulu!

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 25:45

Muène ua kà kumbulula: Kidi kiene ngi mi ambela: kioso ki mua kamba kubhanga ku jiphange jamiʼ ji ja ndenge, Eme-muème mua kamba ku ngi bhanga-kiu.

Jipoxolo 9:5

Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Matendelelu 30:7

O Jihova Nzambi ié ua-nda kulundulula o mázui mosoʼama ku thandu dia jinguma jé-eie, ni ku thandu dia oso a ku kuatela luma, oso muene ene ku ku zudidika.